قىركۇيەكتە قازاقستاندا ەلەكتر ەنەرگياسىنىڭ ءتاريفى وسەدى. بۇل تۋرالى تابيعي مونوپوليالاردى رەتتەۋ كوميتەتى ءتوراعاسىنىڭ مىندەتىن اتقارۋشى اسحات جاپسارباي مالىمدەدى، دەپ حابارلادى almaty-akshamy.kz
اسحات جاپساربايدىڭ ايتۋىنشا، ەلدە ەلەكتر ەنەرگياسىنىڭ قىمباتتاۋىنا ەنەرگەتيكا مينيسترلىگىنىڭ ەنەرگيا ءوندىرۋشى ۇيىمدار ءۇشىن شەكتى ءتاريفتى 15%-عا كوتەرۋى سەبەپ بولدى.
«بۇل ءوسىم قازاقستاندىقتارعا اۋىر تيمەۋ ءۇشىن جۇمىس ىستەپ جاتىرمىز. شامامەن قىركۇيەكتەن باستاپ ءوسىم بولادى. كەي وڭىرلەردە ەلەكتر ەنەرگياسىنىڭ قۇنى ماۋسىمدا قىمباتتادى، كەي جەردە كۇزدە وسەدى دەپ كۇتىلۋدە»، – دەدى اسحات جاپسارباي.
ول بيىل ەلەكتر جابدىقتاۋ باعاسى ورتا ەسەپپەن 10%-عا وسكەنىن ايتتى. سەبەبى شىلدەدە ەنەرگەتيكا مينيسترلىگى جەك پايدالانۋدى قولداۋعا ۇستەمە ەنگىزگەن. سالدارىنان ەوۇ تاريفتەرى ورتاشا ەسەپپەن 7،2%-عا ءوستى. سوندىقتان 2021 جىلى باعا 3،5%-عا ارتۋى مۇمكىن.