«Ashyq كوشباسشىسى» دەپ تانىلعان الماتى ءدامحاناسىنىڭ ديرەكتورى بارلىق ازاماتتاردى، اسىرەسە اعا بۋىن وكىلدەرىن ۆاكسينالانۋعا شاقىرادى.
الماتى قالاسىنىڭ وڭىرلىك كوممۋنيكاسيالار قىزمەتىنىڭ الاڭىندا قالالىق «ەست پوۆود» كافەسىنىڭ ديرەكتورى ليانا سيدوروۆا بايانداما جاسادى. ول ءوز مەكەمەسىندە جۇمىس ىستەگەن كەزىندە «سارى» مارتەبەسى بار كەلۋشىنىڭ قالاي انىقتالعانىن ايتتى، دەپ حابارلايدى Almaty-akshamy.kz.
سانيتارلىق-ەپيدەميولوگيالىق باقىلاۋ دەپارتامەنتىنىڭ مالىمەتى بويىنشا، الماتى قالاسىندا Ashyq جوباسىندا 6486 قاتىسۋشى بار، تاعى 5541 نىسان ەرىكتى تۇردە قاتىسادى. Ashyq كوشباسشىلارى - 105 قاتىسۋشى.
29 شىلدەدەن 5 تامىزعا دەيىنگى كەزەڭدە Ashyq جوباسى بويىنشا جۇمىس ىستەيتىن كاسىپكەرلىك نىسانداردىڭ كىرەبەرىسىندە سكانەرلەۋ ناتيجەسىندە 1 239 تۇرعىن ءۇشىن «قىزىل» جانە 194 الماتىلىقتا «سارى» مارتەبە تىركەلدى.
بارلىعى 28 ءساۋىر مەن 15 تامىز ارالىعىندا الماتى قالاسىندا «قىزىل» مارتەبەسى بار 387 جەكە تۇلعاعا وقشاۋلاۋ رەجيمىن بۇزعانى ءۇشىن 30 اەك مولشەرىندە ايىپپۇل سالىندى.
«ەست پوۆود» كافەسىنىڭ ديرەكتورى ليانا سيدوروۆا Ashyq جوباسىنىڭ العاشقى كەزەڭىنە قالاي قوسىلعانىن ايتتى. قوعامدىق تاماقتاندىرۋ وكىلى بۇل قوسىمشانى ىسكە اسىرۋ قيىن بولعانىن جانە ونى كەيبىر قوناقتار تۇسىنبەگەنىن راستادى.
«ۋاقىت وتە كەلە قوسىمشا جاقسارىپ، ورنىقتى. جالپى ونى بانكتىك قوسىمشاعا بەيىمدەۋ ارقىلى جۇمىس ىستەۋ ىڭعايلى. ءبىزدىڭ قوناقتار ونىڭ نۇسقاسىن ءجيى قولدانادى، ءوز مارتەبەسىن كورەدى جانە كافەگە كىرەدى»، - دەيدى ل. سيدوروۆا.
كافە ديرەكتورى وزدەرىنىڭ جوبا كوشباسشىلارى ەكەنىنە ريزا، سونىڭ ارقاسىندا جۇمىستارىن ەكى ساعاتقا ۇزارتا الدى. بۇل شىعىنداردى ازايتۋعا، قالا تۇرعىندارىنىڭ جۇمىستان كەيىن كەشكى كافەگە كەلىپ، اس ىشۋلەرىنە مۇمكىندىك بەردى.
ليانا سيدوروۆا ءبىر كۇنى ولاردىڭ كافەسىنە «سارى» مارتەبەلى قوناقتىڭ قالاي كەلگەنى تۋرالى ايتىپ بەردى.
«ولار ماعان قوڭىراۋ شالىپ، «سارى» مارتەبەلى ءبىر كەلۋشىنى انىقتاعاندارىن، ءبىراق ونىڭ كەرى اينالىپ، كەتىپ قالعانىن ايتتى»، - دەدى كافە ديرەكتورى.
ل. سيدوروۆا بۇل جوباعا كافەلەر، ءىرى ساۋدا ۇيلەرى عانا ەمەس، جەكە دۇكەندەردىڭ دە قوسىلعانىنا قۋانىشتى ەكەنىن ايتتى.
«جاقىندا مەن بالامدى مەكتەپكە دايىنداۋ ءۇشىن اياق كيىم دۇكەنىنە باردىم. ولار ماعان Ashyq ارقىلى كىرۋ كەرەكتىگىن ايتتى»، - دەدى سپيكەر.
ل. سيدوروۆا بۇل جوبانىڭ ارقاسىندا ءقاۋىپسىز ايماقتا جۇمىس ىستەۋگە بولاتىنىن باسا ايتتى. ونىڭ ايتۋىنشا، كافەنىڭ بارلىق قىزمەتكەرلەرى كۆي-دەن العاش ۆاكسينالانعانداردىڭ ءبىرى بولدى.
«ءبىزدىڭ قىزمەتكەرلەر ۆاكسينا الماتىعا كەلگەن بويدا ەگىلدى. بۇل بۇقارالىق تولقۋدىڭ الدىندا دا بولدى. مەن دە ۆاكسينا الدىم، سوندىقتان وزىمە سەنىمدىمىن. جاقىندارىم دا امان. بۇل مەن ءۇشىن وتە ماڭىزدى»، - دەدى ل. سيدوروۆا.
ول تەك ۇجىمدىق يممۋنداۋ بۇرىنعى ءومىر سالتىنا ورالۋعا مۇمكىندىك بەرەتىنىن اتاپ ءوتتى.