بۇل تۋرالى رەسپۋبليكا باس پروكۋراتۋراسىنىڭ حالىقارالىق-قۇقىقتىق ىنتىماقتاستىق باسقارماسىنىڭ باستىعى اسىلبەك اكماتوۆ ايتتى.
ونىڭ سوزىنشە، كۋمتور كەن ورنىن يگەرۋگە بايلانىستى قىلمىستىق ءىس اياسىندا بۇرىنعى مەملەكەت باسشىسىنا بيلىكتى نەمەسە قىزمەتتىك جاعدايدى تەرىس پايدالانعانى ءۇشىن، 1992 جىلى «كامەكو» كومپانياسىمەن باس كەلىسىم جاساسۋ ەپيزودتارى بويىنشا نەمقۇرايدىلىق جانە 2003 جىلى «كۋمتور» جوباسىن قايتا قۇرىلىمداۋ بويىنشا ايىپ تاعىلدى، دەپ حابارلايدى Almaty-akshamy.kz Elorda.info سايتىنا سىلتەمە جاساپ.
«اسقار اقايەۆقا قاتىستى قىلمىستىق قۋدالاۋ ادامدى قىلمىستىق جاۋاپكەرشىلىككە تارتۋدىڭ مەرزىمى ەسكىرگەندىكتەن توقتاتىلدى»، - دەدى اسىلبەك اكماتوۆ.
ەسكە سالايىق، قىرعىزستاننىڭ بۇرىنعى پرەزيدەنتى اسقار اقايەۆ بىشكەككە بىرنەشە رەت ۇشىپ كەلگەن. ەلگە ساپارى كەزىندە ول ۇقكك-عا جاۋاپ بەردى. سودان كەيىن اقايەۆ تەرگەۋمەن مامىلە جاساپ، كىناسىن مويىندادى. ارتىنشا بۇل «كۋمتور» ءىسى بويىنشا بارلاۋ اگەنتتىكتەرى دە جاۋاپ الدى.