جامبىل وبلىسى قورداي اۋدانىندا ورنالاسقان «قورداي» ۆەتەريناريالىق باقىلاۋ پۋنكتىندە قىرعىز رەسپۋبليكاسىنا بالىق ونىمدەرىن زاڭسىز وتكىزۋ ارەكەتى انىقتالدى، دەپ حابارلايدى aqshamnews.kz.
پۋنكتتىڭ ۆەتەريناريالىق-سانيتاريالىق ينسپەكتورى جۇرگىزگەن تەكسەرۋ بارىسىندا ەكى اۆتوموبيل تاسىمالداناتىن ونىمگە ءتيىستى ۆەتەريناريالىق ىلەسپە قۇجاتتارسىز 8 توننا بالىق ءونىمىن تاسىمالداعانى انىقتالدى.
اۆتوكولىك جۇرگىزۋشىلەرىنە ايىپپۇل سالىنىپ، جۇك قايتارىلدى.
جۇرگىزۋشىلەرگە ۆەتەريناريالىق باقىلاۋداعى جانۋارلاردان الىناتىن ونىمدەردى تاسىمالداۋعا قاتىستى ۆەتەريناريالىق زاڭنامانىڭ تالاپتارى، سونداي-اق مەملەكەتتىك شەكارادان ءوتۋ ءۇشىن بارلىق قاجەتتى قۇجاتتاردى الۋدىڭ ماڭىزدىلىعى ءتۇسىندىرىلدى.