مەملەكەت باسشىلارى ەلدەر اراسىنداعى قارىم-قاتىناستىڭ قازىرگى جاي-كۇيىن تالقىلادى
شولپان-اتاداعى ەرتەڭگى سامميت باستالماس بۇرىن قىرعىزستان پرەزيدەنتى ءوز ارىپتەستەرىنە اۋەلى ىستىقكولدىڭ تابيعاتىن كورسەتتى، دەپ حابارلايدى Almaty-akshamy.kz «حابار 24» تەلەارناسىنا سىلتەمە جاساپ.
قاسىم-جومارت توقايەۆ، سادىر جاپاروۆ جانە شاۆكات ميرزيويەۆ ىستىقكولدە تەپلوحودپەن سەرۋەندەدى. گالستۋكسىز، ياعني بەيرەسمي كەزدەسۋ بارىسىندا دا مەملەكەت باسشىلارى ەلدەر اراسىنداعى قارىم-قاتىناستىڭ قازىرگى جاي-كۇيىن تالقىلادى.
ورتالىق ازيا مەملەكەت باسشىلارىنىڭ ءتورتىنشى كونسۋلتاتيۆتىك كەزدەسۋى ەرتەڭ وسى شولپان-اتادا ءتۇس الەتىندە باستالادى دەپ جوسپارلانىپ وتىر. بۇل ءۇش ەلدىڭ كوشباسشىسىنا تاجىكستان مەن تۇركىمەنستان ەلدەرىنىڭ پرەزيدەنتتەرى كەلىپ قوسىلادى.