زارداپ شەككەندەر مەن قۇربان بولعاندار جوق.
الماتى تۇرعىندارى جەر سىلكىنىسىن سەزىندى، دەپ حابارلايدى Almaty-akshamy.kz.
«27 قاڭتار كۇنى ساعات 06:11-دە الماتى قالاسىندا جەر سىلكىنىسى تىركەلدى. زارداپ شەككەندەر مەن قۇربان بولعاندار، بۇلىنگەن دۇنيە جوق، احۋال تۇراقتى. «112» جانە «101» جۇيەلەرىنە تۇرعىنداردان قوڭىراۋ تۇسكەن جوق.
«قازسەلدەنقورعاۋ» مم مالىمەتتەرى بويىنشا، گيدروتەحنيكالىق قۇرىلىستاردا، كوشكىن جانە سەل ءجۇرۋ ءقاۋپى بار ۋچاسكەلەردە ءبۇلىنۋ، شوگۋ جانە جارىقشاقتار انىقتالعان جوق»، - دەلىنگەن توتەنشە جاعدايلار دەپارتامەنتىنىڭ مالىمەتىندە.
«سەيسمولوگيالىق تاجىريبە ادىستەمەلىك ەكسپەديسياسى» مم سەيسميكالىق ستانسيالار جەلىسىنىڭ دەرەگىنشە، ءزىلزالا وشاعى الماتى قالاسىنان 191 شاقىرىم جەردە، قىرعىز رەسپۋبليكاسى اۋماعىندا ورنالاسقان.
ەنەرگەتيكالىق ساناتى – 11.9 MPV، ماگنيتۋداسى – 5.2. تەرەڭدىگى – 10 شاقىرىم. مSك-64 باعانى بويىنشا الماتىدا 2 -3 بالل قۋاتىمەن سەزىلگەن.