الماتىدا كوشپەلى بۇلت شىعادى، جاۋىن-شاشىنسىز.
سينوپتيكتەر قازاقستاندا 2023 جىلعى 7 قاڭتارعا ارنالعان اۋا رايى بولجامىن ۇسىندى، دەپ حابارلايدى Almaty-akshamy.kz.
"قازگيدرومەت" رمك ۇسىنعان مالىمەتى بويىنشا، ەلىمىزدىڭ باسىم بولىگى انتيسيكلوننىڭ ىقپالىندا بولادى، سوعان بايلانىستى اۋا رايى نەگىزىنەن جاۋىن-شاشىنسىز بولادى.
سينوپتيكتەردىڭ بولجامىنشا، سولتۇستىك سيكلوننىڭ ويپاتى قازاقستان رەسپۋبليكاسىنىڭ سولتۇستىك وبلىستارىنا عانا اسەر ەتەدى، سونىڭ سالدارىنان ازداعان قار جاۋىپ، جاياۋ بۇرقاسىن سوعادى، جەل كۇشەيەدى، باتىستا، سولتۇستىكتە جانە وڭتۇستىكتە تۇمان تۇسەدى.
تۇندە الماتى وبلىسىنىڭ سولتۇستىگى مەن شىعىسىندا، سولتۇستىكتە، ورتالىقتا، جەتىسۋ وبلىسىنىڭ تاۋلى ايماقتارىندا 25 گرادۋسقا دەيىن قاتتى اياز بولجاندى.
استانادا كوشپەلى بۇلت شىعادى، كەي جەرلەردە ازداعان قار جاۋادى، بۇرقاسىن سوعادى. وڭتۇستىك-باتىستان سوعاتىن جەلدىڭ كۇشى 9-14، كەيدە ەكپىنى 15-20 م/س بولادى. اۋا تەمپەراتۋراسى تۇندە 14-16، كۇندىز 8-10 اياز.
الماتىدا كوشپەلى بۇلت شىعادى، جاۋىن-شاشىنسىز. جەل 0-5 م/س. اۋا تەمپەراتۋراسى تۇندە 12-14، كۇندىز 1-3 اياز.
شىمكەنتتە كوشپەلى بۇلت شىعادى، جاۋىن-شاشىنسىز. تۇندە جانە تاڭەرتەڭ تۇمان. وڭتۇستىك-شىعىستان 3-8 م/س جەل سوعادى. اۋا تەمپەراتۋراسى تۇندە 10-12 اياز، كۇندىز 2-4 جىلى.