قىرعىزستان اۋماعىندا TikTok قىزمەتى توقتايدى.
قىرعىزستاننىڭ مادەنيەت، اقپارات، سپورت جانە جاستار ساياساتى مينيسترلىگى ەل اۋماعىندا TikTok-تى بۇعاتتاۋ جونىندە شەشىم قابىلدادى. شەشىم ودان ءارى جۇزەگە اسىرۋ ءۇشىن سيفرلىق دامۋ مينيسترلىگىنە جىبەرىلدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«قىرعىزستاندا TikTok الەۋمەتتىك جەلىسىن بۇعاتتاۋ تۋرالى شەشىمنىڭ گەوساياسي استارى جوق. بۇل شارا بالالاردىڭ ادامگەرشىلىك تاربيەسىنە تەرىس اسەر ەتەتىن جانە پسيحولوگياسىنا زيان كەلتىرەتىن اقپاراتتان قورعاۋعا باعىتتالعان. TikTok الەۋمەتتىك جەلىسىندە بالالاردىڭ دەنساۋلىعى مەن دامۋىنا زيان كەلتىرەتىن اقپاراتتى شەكتەۋ فۋنكسياسى جوق. سونداي-اق، ول قولدانباداعى اقپاراتقا قول جەتكىزۋ كەزىندە پايدالانۋشىلاردىڭ جاس ساناتىن باقىلاۋعا المايدى. جوعارىدا ايتىلعانداردىڭ نەگىزىندە جانە كوپتەگەن وتىنىشتەردى ەسكەرە وتىرىپ، قىرعىز رەسپۋبليكاسىنىڭ مادەنيەت، اقپارات، سپورت جانە جاستار ساياساتى مينيسترلىگى ەل اۋماعىندا TikTok قىزمەتىن توقتاتۋ جونىندە شەشىم قابىلدادى»، - دەلىنگەن ۆەدومستۆو مالىمدەمەسىندە.