قىرعىزدار دا قىزعا ءوز سالۋدا الدارىنا جان سالمايدى ەكەن.
كۇنى كەشە قىرعىزستان پرەزيدەنتى سادىر جاپاروۆ ەل حالقىنىڭ الدىندا كەشىرىم سۇرادى، دەپ حابارلايدى Almaty-akshamy.kz.
وعان سەبەپ قىرعىز پرەزيدەنتىنىڭ ءىنىسىنىڭ قىزى ءلاززات نۇرقوجايەۆاعا سۇيگەن جىگىتىنىڭ ءسوز سالۋى بولدى.
«قىزدى كىم ايتتىرمايدى، قىمىزدى كىم ىشپەيدى». دەيتۇرعانمەن، ءلاززات نۇرقوجايەۆاعا قىرعىزستاننىڭ توتەنشە جاعدايلار مينيسترلىگىنە قاراستى تىكۇشاقتى پايدالانىپ جاسالعان ۇسىنىستىڭ ۆيدەوسى الەۋمەتتىك جەلىدە جەلدەي ەسىپ، تاراپ كەتتى.
ونىڭ تاراپ كەتۋىنە نۇرقوجويەۆانىڭ ءوزى سەبەپكەر بولدى. ول الەۋمەتتىك جەلىلەردە بەينەروليك جاريالادى، وندا بولاشاق كۇيەۋ جىگىتپەن بىرگە قىرعىزستان تجم تىكۇشاعىمەن بىشكەك ماڭىنداعى شاتقالعا قالاي ۇشىپ جەتكەنى كورسەتىلگەن. ەلدى شۋلاتقان كۇيەۋ جىگىتتىڭ ۇسىنىسىن پرەزيدەنتتىڭ ءىنىسىنىڭ قىزى قابىل العان. جاستاردىڭ بۇل ارەكەتى حالىقتىڭ كەرى رەاكسياسىن تۋدىردى.
«مەملەكەت باسشىسىنىڭ جاقىندارى باسقالارعا ۇلگى بولۋى كەرەك. مەن ىسىراپشىلدىقتى توقتاتۋ كەرەك ەكەنىن ءجيى قايتالايمىن. بولاشاق كۇيەۋ بالام مۇنداي ۇسىنىس جاساماس بۇرىن ويلانۋى كەرەك ەدى. ول سىنعا قالماۋعا، پرەزيدەنتتىڭ اتىنا كىر كەلتىرمەۋگە تىرىسۋى كەرەك ەدى. مەنىڭ ويىمشا، ول مۇنى جاستىقتىڭ بۋىمەن جاسادى»، - دەدى جاپاروۆ.
پرەزيدەنت قوس عاشىق حالىقتىڭ سىنىنان كەيىن دۇرىس شەشىم قابىلدايدى دەگەن سەنىم ءبىلدىردى.
سونداي-اق، جاپاروۆ بيلىكتىڭ تجم تىكۇشاقتارىن جالعا بەرەتىنىن ايتتى. ال ودان تۇسكەن قاراجاتتى بيۋدجەتكە جولدانادى.
ەستەرىڭىزگە سالا كەتەيىك، ءلاززات نۇرقوجويەۆاعا 24 ماۋسىمدا ورۋۋ-ساي شاتقالىندا تۇرمىسقا شىعۋ ۇسىنىسى جاسالعان بولاتىن. ول ءۇشىن جاستار ەلدىڭ تجم تىكۇشاعىن پايدالانعان. بۇل وقيعا حالىق اراسىندا نارازىلىق تۋدىردى.
«ەل باسشىلارىنىڭ تۋىستارى مەن جاقىندارى باسقالارعا ۇلگى بولۋى كەرەك، اركىمنىڭ تىكۇشاق جالداۋعا مۇمكىندىگى جوق. تجم تىكۇشاقتارى وسىلار ءۇشىن ساتىپ الىندى ما؟ پرەزيدەنت ىسىراپشىلدىقتى توقتاتۋ كەرەك دەگەنى قايدا»، — دەپ جازدى الەۋمەتتىك جەلى قولدانۋشىلارى.
قازىرگى ۋاقىتتا رەسپۋبليكا بويىنشا، مەملەكەت باسشىسى اتاپ وتكەندەي، 20-عا جۋىق تىكۇشاق بار. سادىر جاپاروۆ تۋىستارىنا، باۋىرلارىنا جانە ولاردىڭ بالالارىنا قاتاڭ تالاپتار قويىپ وتىرعانىن اتاپ ءوتتى.
«مەن ولارعا ءارقاشان بۇرىنعى بيلەۋشىلەردىڭ قاتەلىكتەرىن قايتالاۋدىڭ قاجەتى جوق ەكەنىن ەسكە سالامىن جانە مەملەكەتتىك ىستەرگە ارالاسپاۋدى سۇرايمىن»، — دەدى ول.
پرەزيدەنت ءىنىسىنىڭ قىزىنىڭ ەلدى شۋلاتقان بۇل ارەكەتى ءۇشىن كەشىرىم سۇرادى.
«بۇعان دەيىن مەن باسقالارعا سىن ايتىپ ەدىم، ەندى وعان ءوزىم دە ۇشىرادىم. حالىقتان باۋىرىمنىڭ قىزى ءۇشىن كەشىرىم سۇرايمىن، ول ءالى جاس، حالىقتىڭ ايتىپ جاتقان سىنىن ءوزى دە ەستىپ جاتىر. ول دۇرىس شەشىم شىعارادى دەگەن ۇمىتتەمىن »، — دەپ قورىتتى سادىر جاپاروۆ.