الماتىدا بيىل ۇزىندىعى 250 كم بولاتىن 274 كوشە ورتاشا جوندەۋدەن وتەدى، وسىلايشا 92%-عا دەيىن جولدىڭ ۇلەسىن جاقسى جانە قاناعاتتانارلىق جاعدايدا جەتكىزۋ جوسپارلانعان، دەپ حابارلايدى اlmaty-akshamy.kz.
قالالىق موبيلدىلىك باسقارماسىنىڭ حابارلاۋىنشا، جۇمىس بارلىق اۋداندا باستالعان. بۇل رەتتە، 20 ماگيسترالدىق كوشەنى جوندەۋ 25 تامىزعا دەيىن، ال اۋداندىق كوشەلەردى قازان ايىنىڭ سوڭىنا دەيىن اياقتاۋ كوزدەلگەن. 
«ءقازىر قوزعالىستى شەكتەۋدى قاجەت ەتپەيتىن جۇمىستار جۇرگىزىلۋدە. بۇل تروتۋار توسەۋ، تۇندە اسفالت جابىنىن قىرۋ جۇمىستارى. پوليمەراسفالتبەتوندى توسەلگەن سوڭ تەحنولوگيا بويىنشا 36 ساعات تۇرۋ كەرەك، سوندىقتان جول ءىشىنارا جابىلادى»، - دەدى باسقارما باسشىسىنىڭ ورىنباسارى ەرنۇر ءابجاحان.
سونىمەن، دۋلاتي داڭعىلىندا ءال-فارابي داڭعىلىنان نابەرەجنايا كوشەسىنە دەيىن، جاندوسوۆ كوشەسىندە تيميريازيەۆ كوشەسىنەن ماناس كوشەسىنە دەيىن، وتەگەنوۆ كوشەسىندە ق.تاۋاسار ۇلى كوشەسىنەن ك.سالىقوۆ كوشەسىنە دەيىن، بەرەزوۆسكيي كوشەسىندە گاگارين داڭعىلىنان روزىباكييەۆ كوشەسىنە دەيىن، قابدولوۆ كوشەسىندە وتەگەن باتىر كوشەسىنەن ساين داڭعىلىنا دەيىن، تۇرعۇت ءوزال كوشەسىندە تولە بي كوشەسىنەن رايىمبەك داڭعىلىنا دەيىن، ءسۇيىنباي داڭعىلىندا بەكماحانوۆ كوشەسىنەن لاۆرەنيەۆ كوشەسىنە دەيىن جانە ت.ب. جۇمىس باستالدى. 
جوندەلەتىن كوشەلەردىڭ اۋماعىندا مەردىگەرلىك ۇيىم باسشىلارىنىڭ بايلانىس اقپاراتى بار ارنايى ستەندتەر ورناتىلادى. كولىك قوزعالىسىن شەكتەۋ قالا تۇرعىندارىنا ب ا ق جانە الەۋمەتتىك جەلىلەر ارقىلى حابارلانادى، سونداي-اق جوندەلەتىن ۋچاسكەلەر «2گيس» جانە «ياندەكس كارتى» سەرۆيستەرىندە كورسەتىلەدى.
ەستەرىڭىزگە سالا كەتەيىك، شاھار تۇرعىندارىنا ىڭعايلى بولۋ ءۇشىن جول ينفراقۇرىلىمىنا ارنالعان ارنايى Telegram ارنانىڭ @AlmatyJolybot چات-بوتى ىسكە قوسىلدى. ول ارقىلى تۇرعىندار قالا جولدارىنداعى شۇڭقىرلاردى جوندەۋگە ءوتىنىش بەرە الادى.