قىرعىزستاننىڭ ءبىلىم جانە عىلىم ءمينيسترى المازبەك بەيشەنالييەۆكە قاتىستى ءىرى كولەمدە پارا بوپسالاۋ فاكتىسى بويىنشا قىلمىستىق ءىستى تەرگەۋ جالعاسىپ جاتىر. بۇل تۋرالى ەلدىڭ ءىىم باسپا ءسوز قىزمەتى ءمالىم ەتتى، دەپ حابارلايدى Almaty-akshamy.kz Inform.kz-كە سىلتەمە جاساپ.
تەرگەۋ بارىسىندا ءمينيستردىڭ شەتەلدىك ستۋدەنتتەردى وتاندىق جوعارى وقۋ ورىندارىنا قابىلداعانى ءۇشىن ءىرى كولەمدە پارا العانى انىقتالدى.
ول اتقارۋشى بيلىك ورگاندارىنىڭ نورماتيۆتىك قۇقىقتىق اكتىلەرىن قابىلداعاننان كەيىن جوعارى وقۋ ورنىنا قابىلداۋ ماسەلەسىن شەشۋگە ۋادە بەرگەن.
قاجەتتى قاۋلىنى دايىنداۋ ءۇشىن ول وسى ماسەلەنىڭ ءبارىن شەشۋگە 100 000 دوللار كولەمىندە اقشا تالاپ ەتكەن.
تەرگەۋ بارىسىندا ول جوعارىدا اتالعان سومانى ءبىرىنشى رەت وسى جىلدىڭ 28 تامىزىندا العانى انىقتالدى.
وسىدان كەيىن ءبىراز ۋاقىتتان سوڭ ماسەلە ءالى تۇپكىلىكتى شەشىلمەگەندىكتەن وعان قايتادان جۇگىنگەن.
بۇل جولى مينيستر پارا رەتىندە قوسىمشا 10 مىڭ دوللار كولەمىندە اقشا بوپسالاعان.