قىرعىزدىڭ دەنساۋلىق ساقتاۋ ءمينيسترى قاماۋعا الىندى

مەملەكەتكە 1 ميلليارد 581 ميلليون 474 مىڭ 315 سوم كولەمىندە زالال كەلتىرىلگەن

قىرعىز رەسپۋبليكاسىنىڭ دەنساۋلىق ساقتاۋ ءمينيسترى ءالىمقادىر بەيشەنالييەۆ ۇستالدى، دەپ حابارلايدى Almaty-akshamy.kz Zakon.kz-كە سىلتەمە جاساپ.
ق ر باس پروكۋراتۋراسىنىڭ باسپا ءسوز قىزمەتىنە سىلتەمە جاساي وتىرىپ، 24kg ءالىمقادىر بەيشەنالييەۆتىڭ سىبايلاس جەمقورلىق قىلمىسى بويىنشا كۇدىككە ىلىنگەنىن حابارلادى.

2020 جىلدىڭ جەلتوقسانىنان 2021 جىلدىڭ قىركۇيەك ارالىعىندا قىرعىز رەسپۋبليكاسى رەسەي، جۇڭگو، ءازىربايجان جانە قازاقستاننىڭ حالىقارالىق ۇيىمدارىنان وتەۋسىز نەگىزدە گۋمانيتارلىق كومەك تۇرىندە 451 مىڭ 560 ۆاكسينا الىنعانى ايتىلادى.

«سونىمەن قاتار، جۇڭگو مەن رەسەي پرەزيدەنتتەرىمەن بولعان كەلىسىم اياسىندا ەلگە گۋمانيتارلىق كومەك رەتىندە 6 ميلليون دوزا ۆاكسينا ءبولىندى. دەنساۋلىق ساقتاۋ ءمينيسترى ءالىمقادىر بەيشەنالييەۆتىڭ جەكە نۇسقاۋى بويىنشا 2021 جىلدىڭ ءساۋىر، ماۋسىم، شىلدە جانە قىركۇيەك ايلارىندا شەتەلدىك جەكە كومپانيالاردان 1 ميلليارد 581 ميلليون 474 مىڭ 315 سوم كەلىپ ءتۇستى. ۆاكسينانىڭ 2 ميلليون 460 مىڭ دوزاسى نەگىزسىز ساتىپ الىندى. اقشا وففشورلىق شوتتارعا اۋدارىلدى. ۆاكسينانىڭ 3 ميلليوننان استام دوزاسى ارتىق بولعاندىقتان، قالعان پرەپاراتتاردىڭ جارامدىلىق مەرزىمى ءوتىپ كەتتى»،-دەلىنگەن حابارلامادا.

مەملەكەتكە 1 ميلليارد 581 ميلليون 474 مىڭ 315 سوم كولەمىندە زالال كەلتىرىلگەنى ايتىلادى.

سىبايلاس جەمقورلىق فاكتىسى بويىنشا قىلمىستىق ءىس قوزعالدى. مينيسترگە جانە ۆەدومستۆونىڭ باسقا دا قىزمەتكەرلەرىنە قاتىستى بەس قىلمىستىق ءىس تەرگەۋگە الىندى.