V دۇنيەجۇزىلىك كوشپەندىلەر ويىندارىندا كوكپاردان قازاقستان مەن قىرعىزستان اراسىنداعى ويىن تارتىسقا تولى بولىپ، 5:4 ەسەبىمەن وتانداستارىمىز جەڭىسكە جەتكەن بولاتىن، دەپ حابارلايدى aqshamnews.kz.
بۇگىن بەلگىلى بولعانداي، قىرعىزستان كوكبورى فەدەراسياسىنىڭ وكىلدەرى قازاقستانعا 1 قاراشادا قارىمتا كەزدەسۋ وتكىزۋدى ۇسىنىپ وتىر.
"ءبىز 1 قاراشادا سول باياعى قۇراممەن كوكبورى مەن كوكپار ويناۋدى ۇسىنامىز. بۇل – سپورت. ويىن ەكى حالىق اراسىندا الاۋىزدىق تۋدىرماۋى ءتيىس. ءبىز حالىقتارىمىزدىڭ كەلىسىمى ءۇشىن جەكە امبيسيالاردان باس تارتۋعا دايىنبىز. تورەشى باسقا ەلدەن بولادى"، - دەدى كوكبورى فەدەراسياسىنىڭ باسشىسى راميس جۇنىسالييەۆ باسپا ءسوز ماجىلىسىندە.
بۇل جارىس "كەلىسىم كۋبوگى" دەپ اتالماق. ولار 16 قىركۇيەكتە قازاقستان كوكپار فەدەراسياسىنا شاقىرۋ حات جىبەرگەن.