قازاقستاندا 33 ەلدىڭ ستۋدەنتتەرى، كاسىپكەرلەرى، اكادەميالىق كوشباسشىلارى مەن كورپوراتيۆتىك بيزنەس باسشىلارى وسى اۋقىمدى وقيعاعا جينالادى.
ENACTUS ستۋدەنتتەرىنىڭ بارلىق بيزنەس-جوبالارى بۇۇ-نىڭ تۇراقتى دامۋىنىڭ 17 ماقساتىنا جەتۋگە باعىتتالعان جانە بولاشاق بيزنەس كوشباسشىلارىنىڭ مانسابىنىڭ باستاماسى بولىپ كەلەدى. الەمدەگى 1000-نان استام ۋنيۆەرسيتەتتەر ستۋدەنتتەردىڭ كوشباسشىلىعى مەن ىسكەرلىك داعدىلارىن دامىتۋ ءۇشىن تاجىريبەگە باعىتتالعان ENACTUS پلاتفورماسىن پايدالانادى، دەپ حابارلايدى aqshamnews.kz.
ENACTUS World Cup – بۇل 2001 جىلدان باستاپ جىل سايىن وتكىزىلىپ كەلە جاتقان جانە كاسىپكەرلىك قىزمەت ارقىلى الەۋمەتتىك باستامالار مەن پروگرەستى كورسەتۋگە مۇمكىندىك بەرەتىن ءىس-شارا. الەمدىك كۋبوكتى وتكىزۋ قۇقىعىنا يە بولۋ – بۇل ENACTUS-تىڭ قازاقستانداعى سوڭعى 15 جىلداعى جەتىستىكتەرىن مويىنداۋ، سونداي-اق حالىقارالىق ارىپتەستەر تاراپىنان جوعارى سەنىمنىڭ دالەلى.
ENACTUS الەم كۋبوگىنىڭ الاڭى الەمنىڭ تۇكپىر-تۇكپىرىنەن كەلگەن جاس كاسىپكەرلەر اراسىندا ءبىلىم، يدەيا جانە تاجىريبە الماسۋ ءۇشىن جارىس فورماتىندا 2000 قاتىسۋشىنى بىرىكتىرەدى. جاستار ەكولوگيالىق ماسەلەلەردى شەشۋدىڭ يننوۆاسيالىق تاسىلدەرىن كورسەتەتىن، تۇراقتى قوعامداستىقتاردىڭ دامۋىنا ىقپال ەتەتىن جانە ادامداردىڭ ومىرىندەگى وڭ وزگەرىستەرگە شابىتتاندىراتىن ءوز جوبالارىن ۇسىنادى.
قازاقستاننىڭ مۇددەسىن ENACTUS KAZAKHSTAN 2024 ۇلتتىق چەمپيونى – تالدىقورعان قالاسىنداعى ءى.جانسۇگىروۆ اتىنداعى جەتىسۋ ۋنيۆەرسيتەتىنىڭ كومانداسى قورعايدى.