الماتى قالاسىنىڭ پروكۋراتۋراسى اكىمشىلىك ايىپپۇلدار مەن سالىق بەرەشەكتەرىن ءوندىرىپ الۋ تۋرالى اتقارۋشىلىق قۇجاتتاردىڭ زاڭدىلىعى تۇرعىسىنان تالداۋ جاسادى، دەپ حابارلايدى aqshamnews.kz.
جسو-نىڭ 1000-نان استام بورىشكەرگە قاتىستى ولاردىڭ بانكتىك شوتتارىنا جانە مۇلكىنە تىيىم سالۋ جونىندە شارالار قابىلداماعان فاكتىلەرى انىقتالدى، جالاقىدان بەرەشەكتى ۇستاپ قالۋ جۇرگىزىلمەگەن، سونداي-اق ەلدەن تىس جەرلەرگە شىعۋعا شەكتەۋ قويىلماعان.
بۇزۋشىلىقتار بورىشكەرلەردىڭ سوت اكتىلەرىن ورىنداۋدان ۇزاق ۋاقىت جالتارۋىنا جانە بيۋدجەتكە قاراجات تۇسپەۋىنە اكەپ سوقتىردى، وسىلايشا جازانىڭ بۇلتارتپاستىق قاعيداتى بۇزىلدى.
قالا پروكۋراتۋراسىنىڭ قاداعالاۋ اكتىسى بويىنشا 50 جەكە سوت ورىنداۋشىلارى تارتىپتىك جاۋاپتىلىققا تارتىلدى، 1 جسو-عاقاتىستى ونى پالاتادان شىعارۋ راسىمىنە باستاما جاسالدى.
قابىلدانعان شارالاردىڭ ناتيجەسىندە 75 ملن تەڭگەدەن استام قارجى ءوندىرىلدى.
الماتى پروكۋرورلارى جەكە سوت ورىنداۋشىلارىن جاۋاپتىلىققا تارتتى
- اۆتور aqshamnews.kz
- 15:37، 16 قىركۇيەك 2024
gov.kz