قىرعىزستان مەن تاجىكستان شەكاراسىنداعى اتىس توقتادى، دەپ حابارلايدى اlmaty-akshamy.kz حابار24-كە سىلتەمە جاساپ.
تاراپتار كەزدەسىپ، شەكاراعا تارتىلعان قوسىمشا اسكەر مەن تەحنيكانى الىپ كەتۋگە، باتكەن-يسفانا اراسىنداعى جولدى اشۋعا جانە ەكى ەلدىڭ قارۋلى كۇشتەرى ءارى قاراي قاقتىعىستى بولدىرماۋ ءۇشىن شەكارا بويىنداعى ەلدى مەكەندەردى بىرگە قاداعالاۋعا ۋاعدالاستى.
شەكاراداعى جاعداي كەشە كەشكىلىك ۋشىققان بولاتىن. الدىن الا اقپارات بويىنشا، جانجال قىرعىز جاعىنىڭ تاجىكستان ازاماتتارىنىڭ كولىگىنە تاس لاقتىرۋىنان باستالعان. ءسويتىپ، ەكى ەلدىڭ تۇرعىندارى اراسىنداعى كيكىلجىڭ شەكاراشىلاردىڭ اتىسىنا ۇلاسقان.
كەيىنگى مالىمەت بويىنشا، قاقتىعىس سالدارىنان 17 ادام جاراقات العان. قازا تاپقاندار تۋرالى اقپارات جوق.