مەملەكەت باسشىسى قاسىم-جومارت توقايەۆتىڭ جارلىعىمەن جاپپاي تارتىپسىزدىك كەزىندە قىزمەتتىك مىندەتتەرىن اتقارۋ ۇستىندە قازا تاپقان پوليسيا قىزمەتكەرلەرى دارحان بارعانايەۆ پەن ەربول ەرجانوۆ «ايبىن» وردەنىمەن ماراپاتتالدى. ىشكى ىستەر ءمينيسترى ەرلان تۇرعىمبايەۆ ولاردىڭ وتباسىلارىنا مەملەكەتتىك ناگرادالاردى تابىستادى، دەپ حابارلايدى اlmaty-akshamy.kz Polisia.kz سايتىنا سىلتەمە جاساپ.
«ءبىزدىڭ ارىپتەستەرىمىز، پوليسيا لەيتەنانتى دارحان بارعانايەۆ جانە ادىلەت پراپورششيگى ەربول ەرجانوۆ ءومىرىنىڭ سوڭعى ساتىنە دەيىن وتانعا، حالىققا دەگەن ادالدىعىن ابىرويمەن كورسەتتى. ولار ءبىز ءۇشىن ءارقاشان وتانعا ادال قىزمەت ەتۋدىڭ، ەرلىكتىڭ جانە پارىزعا بەرىكتىكتىڭ ۇلگىسى بولادى»، – دەپ اتاپ ءوتتى ەرلان تۇرعىمبايەۆ.
پوليسەيلەردىڭ كۇندەلىكتى جۇمىسى ءومىر مەن دەنساۋلىققا ءقاۋىپ توندىرەدى. قيىن جاعدايلاردا قىزمەتكەرلەر بىرنەشە سەكۋند ىشىندە جاۋاپتى شەشىمدەر قابىلداۋعا ءماجبۇر. ولاردىڭ كەيبىرى ادام ومىرىمەن بايلانىستى بولىپ جاتادى.
اسكەري جانە قىزمەتتىك بورىشىن ورىنداۋ كەزىندە كورسەتكەن ەرلىگى مەن جانقيارلىعى، سونداي-اق مەملەكەت مۇددەسىن قورعاۋ كەزىندە جاساعان ەرلىكتەرى ءۇشىن الماتى وبلىسى بويىنشا قىلمىستىق-اتقارۋ جۇيەسى دەپارتامەنتىنىڭ لا-155/16 مەكەمەسىنىڭ قىزمەتكەرى ەربول ەرجانوۆ III دارەجەلى «ايبىن» وردەنىمەن، الماتى وبلىسى پوليسيا دەپارتامەنتى جەدەل قيمىلداۋ ارنايى جاساعىنىڭ قىزمەتكەرى دارحان بارعانايەۆ II دارەجەلى «ايبىن» وردەنىمەن ماراپاتتالدى.
ەربول ەرجانوۆ ىشكى ىستەر ورگاندارىندا 1999 جىلدان باستاپ قىزمەت اتقاردى. ول جاس قىزمەتكەرلەرگە تالىمگەر بولدى جانە ەكى بالانى تاربيەلەپ وتىرعان كاسىبي، ادال قىزمەتكەر رەتىندە كوپكە ۇلگى ەدى. دارحان بارعانايەۆ ءىىو جۇيەسىندەگى قىزمەتىن 2011 جىلى باستادى. قىزمەت ەتكەن جىلدارى ول ءوزىنىڭ كاسىبيلىگىن ارتتىرىپ، قاۋىپسىزدىكتى جاقسارتۋعا ۇمتىلدى.