قىرعىزستاننان كەلگەن باقىلاۋشىلار 20 قاراشا، سايلاۋ كۇنى، زاڭ بۇزۋشىلىقتى بايقاماعان.
بۇل تۋرالى قىرعىز رەسپۋبليكاسى وسك جانىنداعى لەيلەك-سۋلۋكتۋ اسك-نىڭ ارنايى وكىلى ابديۆالي حامرايەۆ، ونىڭ ارىپتەسى قىرعىز رەسپۋبليكاسى بىشكەك اسك ءتوراعاسى باحادىر كونۋروۆ جانە باقىلاۋشى تىلەك شىعاي ايتتى، دەپ حابارلايدى Almaty-akshamy.kz.
سپيكەرلەر قازاقستانداعى سايلاۋ بۇل باسقا ەلدەر ءۇشىن كورسەتكىش ەكەنىن اتاپ ءوتتى.
«ءبىز الماتىدا قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىنا دايىندىق جانە ونى وتكىزۋ وتە جوعارى دەڭگەيدە دەپ ەسەپتەيمىز. ءبىز بارعان ۋچاسكەلەردە ەشقانداي زاڭ بۇزۋشىلىق بولعان جوق. ءبىز ونداعان ۋچاسكەلىك سايلاۋ كوميسسيالارىندا بولدىق. بارلىق جاعدايدى ۋچاسكەلىك سايلاۋ كوميسسيالارى قاداعالادى. كوميسسيا مۇشەلەرىنىڭ تاجىريبەسى مول، ۋچاسكەلىك سايلاۋ كوميسسيالارىندا سەنىم بىلدىرىلگەن ادامدار، كانديداتتار مەن بايقاۋشىلار دا بولدى»، – دەدى ءابدىۆالي حامرايەۆ.
باقىلاۋشى تىلەك شىعاي دا ارىپتەستەرىنىڭ ايتقانىنا قوسىلىپ، پرەزيدەنتتىك سايلاۋدىڭ ناتيجەلى وتكەنىن ايتتى.
« حالىقارالىق باقىلاۋشىلار جانە باسقا دا ارىپتەستەر رەتىندە قاتىسىپ وتىرعان ەلدەردىڭ اراسىندا جوعارى دەڭگەي بايقالادى. بۇل قازاقستاندا سايلاۋدىڭ قالاي وتەتىنىنىڭ كورسەتكىشى بولدى دەپ ويلايمىن. ناتيجە ءبارىمىز ءۇشىن ماڭىزدى. ساعات 20:00-دە ناتيجەلەر جاريالانادى»، - دەدى ول.