پرەزيدەنت قاراعاندى وبلىسىنىڭ اكىمى جەڭىس قاسىمبەكتى قابىلدادى

پرەزيدەنتكە قاراعاندى وبلىسىنىڭ بيىلعى 10 ايداعى الەۋمەتتىك-ەكونوميكالىق دامۋىنىڭ نەگىزگى كورسەتكىشتەرى تۋرالى ەسەپ بەرىلدى.

سونداي-اق ايماقتىڭ ونەركاسىپ، اۋىل شارۋاشىلىعى جانە ينۆەستيسيا تارتۋ سالالارى قارقىندى دامىپ كەلە جاتقانى تۋرالى باياندالدى، دەپ حابارلايدى Almaty-akshamy.kz اقوردانىڭ رەسمي سايتىنا سىلتەمە جاساپ. 

جەڭىس قاسىمبەكتىڭ ايتۋىنشا، ونەركاسىپ ءونىمىن ءوندىرۋ كولەمى 3،1 تريلليون تەڭگەنى (1،5 پايىزعا ارتقان) قۇرادى. وڭدەۋ ونەركاسىبىندەگى ءوندىرىس  كورسەتكىشى 6،3 پايىزعا ارتتى. وبلىس ەكونوميكاسىنا 522،2 ميلليارد تەڭگە ينۆەستيسيا تارتىلدى (8،5 پايىزعا كوبەيگەن)، ونىڭ باسىم بولىگى (92 %) جەكە ينۆەستيسياعا تيەسىلى. 2022 جىلدىڭ قاڭتار-قازان ايلارىندا 414،4 مىڭ شارشى مەتر تۇرعىن ءۇي پايدالانۋعا بەرىلدى. بۇل وتكەن جىلدىڭ وسى كەزەڭىمەن سالىستىرعاندا 1،7 پايىزعا كوپ.

سونىمەن قاتار مەملەكەت باسشىسىنا قاراعاندى وبلىسىنىڭ اۆتوموبيل جولدارىن دامىتۋ، حالىقتى سۋمەن قامتاماسىز ەتۋ جونىندە مالىمەت بەرىلدى. جەڭىس قاسىمبەك «ارسەلورميتتال تەمىرتاۋ» كومپانياسىنداعى جاعداي تۋرالى دا باياندادى.

كەزدەسۋ سوڭىندا قاسىم-جومارت توقايەۆ ءوڭىر ەكونوميكاسىن ودان ءارى دامىتۋ جونىندە ءبىرقاتار تاپسىرما بەردى.