تمد ىشكى ىستەر مينيسترلەرى كەڭەسىنىڭ وتىرىسىندا قازاقستان اۆتوكولىك ۇرلىعى جانە كيبەرقىلمىسپەن كۇرەس بويىنشا اقپارات الماسۋ ماسەلەلەرىن كوتەردى، دەپ حابارلايدى almaty-akshamy.kz
ونلاين-كەزدەسۋگە ءازىربايجان، بەلارۋس، قازاقستان، قىرعىزستان، مولدوۆا، رەسەي، تاجىكستان، تۇرىكمەنستان، وزبەكستان ىشكى ىستەر مينيسترلىكتەرىنىڭ جانە ارمەنيا پوليسياسىنىڭ، سونداي-اق، تمد اتقارۋشى كوميتەتىنىڭ، تمد-داعى ۇيىمداسقان قىلمىسقا جانە قىلمىستىڭ وزگە دە ءقاۋىپتى تۇرلەرىنە قارسى كۇرەستى ۇيلەستىرۋ بيۋروسىنىڭ جانە تمد-داعى تەرروريزمگە قارسى ورتالىعىنىڭ دەلەگاسيالارى قاتىستى.
پوليسيا ۆەدومستۆولارىنىڭ باسشىلارى قىلمىسقا قارسى كۇرەستەگى ىنتىماقتاستىقتىڭ باسىم ماسەلەلەرىن قارادى. سونداي-اق، قاتىسۋشىلار COVID-19 پاندەمياسى جاعدايىنداعى قىلمىسقا قارسى ءىس-قيمىلدى، جەدەل اقپارات الماسۋدى جانە قىلمىستاردى اشۋ جانە تەرگەۋ تاجىريبەسىن، ەسىرتكى بيزنەسىنە قارسى كۇرەستەگى ءوزارا ءىس-قيمىلدى كۇشەيتۋدى، بلوكچەين-تەحنولوگيالار مەن كريپتوۆاليۋتالاردى پايدالانا وتىرىپ جاسالاتىن قىلمىستاردىڭ الدىن الۋداعى ىنتىماقتاستىقتى جانە تاعى باسقا ماسەلەلەردى تالقىلادى.
قازاقستاندىق تاراپتىڭ باستاماسى بويىنشا مينيسترلەر كەڭەسىنىڭ كۇن تارتىبىنە اۆتوكولىك ۇرلىعى جانە ينتەرنەت-الاياقتىققا قارسى كۇرەس ماسەلەلەرى ەنگىزىلدى.
ەرلان تۇرعىمبايەۆ تمد ەلدەرى ءىىم-نىڭ دەرەكتەر بازاسىنداعى مالىمەتتەرمەن ءوزارا الماسۋ دوستاستىققا قاتىسۋشى ەلدەردىڭ اۋماعىندا قولدى بولعان كولىك قۇرالدارىن ايداپ كەتۋ، ۇرلاۋ جانە وتكىزۋ جولدارىن ءتيىمدى اشۋعا مۇمكىندىك بەرەتىنىن اتاپ ءوتتى.
قازاقستان ءىىم باسشىسى وتىرىسقا قاتىسۋشىلاردى اقپاراتتىق تەحنولوگيالاردى پايدالانا وتىرىپ جاسالعان قىلمىستاردى اشۋدا ءوزارا ءىس-قيمىلدى جانداندىرۋعا شاقىرىپ، ينتەرنەت-الاياقتىقتىڭ شەكاراسى جوق جانە ازاماتتارعا ەلەۋلى زالال كەلتىرەتىنىن باسا ايتتى. وسىعان بايلانىستى، پوليسيا ۆەدومستۆولارى اراسىندا كۇش-جىگەردى شوعىرلاندىرۋ جانە تاجىريبە الماسۋ تالاپ ەتىلەدى، - دەپ مالىمدەدى ەرلان تۇرعىمبايەۆ.
سونىمەن قاتار، مينيستر ءوز سوزىندە قازاقستاننىڭ ءىىم قىلمىسقا قارسى كۇرەس ماسەلەلەرى بويىنشا تمد مەملەكەتارالىق باعدارلامالارىندا كوزدەلگەن ءىس-شارالاردى ءتيىمدى ورىندايتىنىن مالىمدەدى.
ەرلان تۇرعىمبايەۆ ىزدەستىرۋ جۇمىستارى، زاڭسىز كوشى-قون، ەكسترەميزم مەن تەرروريزمگە قارسى كۇرەس، ەسىرتكى بيزنەسىنە قارسى ءىس-قيمىل سالاسىنداعى بەلسەندى ىنتىماقتاستىقتى اتاپ ءوتىپ، ارىپتەستەرىن قازاقستاندىق پوليسيانى رەفورمالاۋ بارىسىمەن تانىستىردى.
وتىرىس قورىتىندىسى بويىنشا تمد-عا قاتىسۋشى مەملەكەتتەردىڭ قىلمىسقا قارسى كۇرەس سالاسىنداعى حالىقارالىق ءوزارا ءىس-قيمىلىن نىعايتۋ جونىندە بىرلەسكەن شەشىمدەر قابىلداندى.