ەكى مىڭنان استام ادام جۇمىس ىستەپ جاتىر.
توتەنشە جاعدايلار جونىندەگى مينيسترلىك ماماندارى وزەن-سۋلاردا سۋ دەڭگەيىنىڭ كوتەرىلۋىنە بالانىستى باقىلاۋ جۇمىستارىن جۇرگىزىپ جاتىر، دەپ حابارلايدى Almaty-akshamy.kz.
«سۋ تاسقىنى كەزەڭى باستالعاننان بەرى اقتوبە، باتىس قازاقستان، پاۆلودار، قاراعاندى وبلىستارىندا 185 تۇرعىن جانە 78 ساياجاي ءۇيدى، 2 الەۋمەتتىك نىساندى ەرىگەن قار سۋى باستى. بارلىق 185 تۇرعىن ۇيدەن، 2 الەۋمەتتىك نىساننان جانە اقتوبە وبلىسىنداعى 63 ساياجاي ۇيدەن سۋ سورىپ شىعارىلدى. قازىرگى ۋاقىتتا اقتوبە وبلىسىنداعى 15 ساياجاي ءۇي باقىلاۋدا تۇر»، - دەلىنگەن توتەنە جاعدايلار مينيسترلىگىنىڭ باسپا ءسوز قىزمەتىنىڭ حابارلاماسىندا.
باتىس قازاقستان، اقتوبە، پاۆلودار، قاراعاندى وبلىستارىندا بارلىعى 1 165 ادام ەۆاكۋاسيالاندى، ونىڭ 676 -ى ۋاقىتشا ەۆاكۋاسيالاۋ پۋنكتتەرىندە، 480 – تۋىستارىنىڭ ۇيلەرىنە ورنالاستىرىلدى، 9-ى ۇيلەرىنە ورالدى.
قاراعاندى وبلىسىندا رەسپۋبليكالىق ماڭىزى بار اۆتوجولداردىڭ 6 ۋچاسكەسىندە، قاراعاندى جانە اقمولا وبلىستارىندا وبلىستىق ماڭىزى بار اۆتوجولداردىڭ 6 ۋچاسكەسىندە، باتىس قازاقستان، اقمولا، قاراعاندى جانە قوستاناي وبلىستارىندا جەرگىلىكتى ماڭىزى بار اۆتوجولداردىڭ 18 ۋچاسكەسىندە جانە اقتوبە وبلىسىندا جەرگىلىكتى ماڭىزى بار اۆتوجولداردىڭ ۋچاسكەسىندە ءبىر كوپىردە سۋ تاسىپ جاتىر.
اقمولا، اقتوبە، باتىس قازاقستان، شىعىس قازاقستان، پاۆلودار، تۇركىستان، قاراعاندى وبلىستارىندا، نۇر-سۇلتان قالاسىندا جەرگىلىكتى اتقارۋشى ورگاندار مەن تجم كۇشتەرى 1 368 مىڭ م3 ەرىگەن قار سۋى سورىلدى. اقمولا، باتىس قازاقستان، شىعىس قازاقستان، پاۆلودار، اقتوبە، قاراعاندى وبلىستارىنىڭ، نۇر-سۇلتان قالاسىنىڭ اۋماعىندا ينەرتتى ماتەريالدارى بار 68 112 قاپ توسەلدى. سونىمەن قاتار باتىس قازاقستان وبلىسىندا 250 م2 القاپتا وزەندەردە مۇز كەسۋ جۇمىستارى جۇرگىزىلدى.
جۇمىستارعا تجم، ءىىم، جەرگىلىكتى اتقارۋشى ورگانداردان، ۇكىمەتتىك ەمەس ۇيىمداردان 2 402 ادام، 798 بىرلىك تەحنيكا، 350 سۋ ايداۋ قۇرالدارى جانە 18 ءجۇزۋ قۇرالدارى جۇمىلدىرىلدى.
باتىس قازاقستان وبلىسىندا ماڭعىستاۋ جانە اتىراۋ وبلىسى تجد قۇتقارۋشىلارى تاسقالا اۋدانى مەن ورال قالاسىندا جۇمىسىن جالعاستىرۋدا.
5 ساۋىردە الدىن الۋ ءىس-شارالارىن وتكىزۋ ءۇشىن اقمولا وبلىسىنا تجم 52859 اسكەري ءبولىمىنىڭ قۇرامىندا 40 ادام، 4 بىرلىك تەحنيكا بار اسكەري قىزمەتشىلەر كەلدى. ولار جىبەك جولى جانە قوياندى كەنتتەرىندە جۇمىس جۇرگىزۋ ءۇشىن 2 توپقا ءبولىندى.
5 ساۋىردە الدىن الۋ ءىس-شارالارىن وتكىزۋ ءۇشىن شىعىس قازاقستان وبلىسى التاي اۋدانىنىڭ زۋبوۆسك كەنتىنە قۇرامىندا 15 ادام، 2 بىرلىك تەحنيكاسى بار تجم 68303 اسكەري ءبولىمىنىڭ اسكەري قىزمەتشىلەرى كەلدى.
«قازگيدرومەت» رمك دەرەكتەرى بويىنشا الداعى تاۋلىكتە اقمولا، اقتوبە، شقو، بقو، قاراعاندى، قوستاناي، پاۆلودار، سقو جانە نۇر-سۇلتان قالالارىندا جاڭبىر تۇرىندە ازداعان جاۋىن-شاشىن كۇتىلەدى، كۇندىزگى ۋاقىتتا اۋا تەمپەراتۋراسى +60-تان +200س-قا دەيىن، تۇنگى ۋاقىتتا 00-دەن +100 س-قا دەيىن كوتەرىلەدى. وسىعان بايلانىستى وزەن باسسەيندەرىندە قارقىندى قار ەرۋى، ەرىگەن اعىن قالىپتاسۋى، مۇز قۇبىلىستارىنىڭ السىرەۋى جانە وزەندەردەگى سۋ دەڭگەيىنىڭ كوتەرىلۋى كۇتىلەدى.
عارىشتىق مونيتورينگ دەرەكتەرى بويىنشا، قارمەن جابۋ اۋدانى 30%-دان از، قار قورىنىڭ باسىم بولىگى ەلدىڭ ورتالىق جانە سولتۇستىك وڭىرلەرىندە بايقالادى.
