15 اقپاندا حالىقارالىق كوشى-قون ۇيىمى (حكۇ) جاڭا ىزگى نيەت ەلشىلەرىنىڭ تاعايىندالعانىن حابارلادى. قازاقستاندىق مۋزىكانت، ءانشى جانە كومپوزيتور ديماش قۇدايبەرگەن حكۇ-نىڭ ايماقتىق ىزگى نيەتتى ەلشىسى (ازياداعى ايماقتىق ءرولى) بولىپ تاعايىندالدى، دەپ حابارلايدى Almaty-akshamy.kz Dimashnews.com سايتىنا سىلتەمە جاساپ.
حبۇ – كوشى-قون سالاسىنداعى جەتەكشى ۇكىمەتارالىق ۇيىم بولىپ تابىلادى. ول گۋمانيستىك جانە تارتىپكە نەگىزدەلگەن كوشى-قون ميگرانتتار مەن قوعامعا تەك پايدا اكەلەدى دەپ ەسەپتەيدى. حبۇ بىرىككەن ۇلتتار ۇيىمىنىڭ جۇيەسىنە 2016 جىلى اسسوسياسيالانعان ۇيىم رەتىندە قوسىلعانىن ەسكە تۇسىرە كەتەيىك.
الەمگە ايگىلى ءانشى: «مەن حكۇ-نىڭ ىزگى نيەتتى ەلشىسى رەتىندە ميگرانتتاردىڭ قۇقىقتارىن قورعاۋدى ماقتان تۇتامىن. ءاربىر ادامنىڭ قۇقى مەن مۇمكىندىكتەرى ءۇشىن اسپانى اشىق بەيبىت الەمدى بىرگە قۇرايىق»،- دەپ مالىمدەمە جاسادى.