ادامداردىڭ ءوتۋىن شەكتەۋ ءۇشىن بلوكپوستار قويىلدى.
الماتىدا پروفيلاكتيكالىق قار كوشكىنىن ءتۇسىرۋ جۇمىستارى جۇرگىزىلىپ جاتىر، دەپ حابارلايدى Almaty-akshamy.kz.
تاۋلى جەرلەردە جاۋىن-شاشىننىڭ تۇسۋىنە جانە قار جامىلعىسىنىڭ تۇراقسىز بولۋىنا بايلانىستى كىشى جانە ۇلكەن الماتى سۋ الاپتارىندا 25-28 ناۋرىز ارالىعىندا قار كوشكىنى ءقاۋپى ساقتالادى.
«بۇگىن «شىمبۇلاق» اۋماعىندا قاۋىپسىزدىكتى قامتاماسىز ەتۋ ءۇشىن «اۆالانچەر» پنيەۆماتيكالىق قوندىرعى ارقىلى كىشى الماتى وزەنى باسسەينىندە كوشكىندەردى ءتۇسىرۋ بويىنشا الدىن الۋ پروفيلاكتيكالىق جۇمىستارى جۇرگىزىلدى. ناتيجەسىندە 600 تەكشە مەتر قار تاستالدى»، - دەپ حابارلادى الماتى قالالىق توتەنشە جاعدايلار دەپارتامەنتىنىڭ باسپا ءسوز قىزمەتى.
سونىمەن قاتار، تاۋلى جەرلەردە قار كوشكىنى ءقاۋپىنىڭ بولۋىنا بايلانىستى جانە توتەنشە جاعدايلاردى بولدىرماۋ ماقساتىندا مەدەۋ، شىمبۇلاق، تۇيىق سۋ شاتقالىندا اۆتوكولىكتەر مەن ادامداردىڭ ءوتۋىن شەكتەۋ ءۇشىن بلوكپوستار قويىلدى.
سونداي-اق، تجد قالا تۇرعىندارى مەن قوناقتارىن تاۋعا بارۋدان باس تارتۋعا، اۋا رايىنىڭ جاعدايىن باقىلاۋعا، قار كوشكىنىن تۋدىرۋى مۇمكىن تىك قارلى بەتكەيلەرگە شىقپاۋعا، توتەنشە جاعدايلاردى بولدىرماۋ ماقساتىندا بارلىق قاۋىپسىزدىك شارالارىن ساقتاۋعا شاقىردى.