ناۋرىز مەيرامى قارساڭىندا قاسىم-جومارت توقايەۆ جانداربەك مالىبەكۇلىن I دارەجەلى «بارىس» وردەنىمەن ماراپاتتاعان بولاتىن.
مەملەكەت باسشىسى ساۋلەتشى جانداربەك مالىبەكۇلىن 80 جاسقا تولعان مەرەيتويىمەن قۇتتىقتادى، دەپ حابارلايدى Almaty-akshamy.kz اقوردانىڭ باسپا ءسوز قىزمەتىنە سىلتەمە جاساپ.
«پرەزيدەنت قاسىم-جومارت توقايەۆ جانداربەك مالىبەك ۇلىنىڭ مەرەيتويىمەن قۇتتىقتاپ، جىلى لەبىزى مەن ىزگى تىلەگىن جەتكىزدى. مەملەكەت باسشىسى ءوز قۇتتىقتاۋىندا ەلتاڭبا اۆتورىنىڭ تاۋەلسىز قازاقستان مەن ەلوردانى قۇرۋ جانە دامىتۋ ىسىندەگى سىڭىرگەن ەڭبەگىن اتاپ ءوتىپ، وعان زور دەنساۋلىق، شىعارماشىلىق شابىت جانە وتباسىنا باق-بەرەكە تىلەدى»، - دەلىنگەن باسپا ءسوز قىزمەتى تاراتقان حابارلامادا.