الماتىدا زاڭگەر ەلەگەن قايىرجانوۆقا مەموريالدىق تاقتا اشىلدى

پوليسيا قىزمەتكەرلەرىن وقۋ ءۇردىسىنىڭ قۇرامداس بولىگى رەتىندە تەرەڭ عىلىمي دايارلاۋ قاجەت.

17 قىركۇيەكتە پارلامەنت سەناتى ءتوراعاسىنىڭ ورىنباسارى، ز.ع.د.، پروفەسسور ءابدىروۆ نۇرلان ءماجىت ۇلى قازاقستان رەسپۋبليكاسى ءىىم ماقان ەسبولاتوۆ اتىنداعى الماتى اكادەمياسىندا وتكەن، قازاقستان رەسپۋبليكاسىنىڭ ەڭبەك سىڭىرگەن عىلىم جانە تەحنيكا قايراتكەرى، ق ر جعقا اكادەميگى، زاڭ عىلىمدارىنىڭ دوكتورى، پروفەسسور ەلەگەن ىزتىلەۋ ۇلى قايىرجانوۆتىڭ مەموريالدىق تاقتاسىنىڭ اشىلۋ سالتاناتىنا قاتىستى، دەپ حابارلايدى Almaty-akshamy.kz.
سونىمەن قاتار، نۇرلان ءابدىروۆ الماتى اكادەمياسىنىڭ عىلىمي كەڭەسىنىڭ كەڭەيتىلگەن وتىرىسىنا قاتىستى. وندا جوعارى وقۋ ورىننىڭ باستىعى - پوليسيا پولكوۆنيگى ايدار سايتبەكوۆ اكادەميا دامۋىنىڭ ستراتەگيالىق ۆەكتورى، يننوۆاسيالىق ادىستەر مەن زاماناۋي تەندەنسيالاردىڭ وقۋ ۇردىسىنە ەنگىزىلۋى تۋرالى ايتتى.
پارلامەنت سەناتى ءتوراعاسىنىڭ ورىنباسارى الماتى اكادەمياسىنىڭ قىزمەتىن جوعارى باعالاپ، پوليسيا قىزمەتكەرلەرىن وقۋ ءۇردىسىنىڭ قۇرامداس بولىگى رەتىندە تەرەڭ عىلىمي دايارلاۋ قاجەتتىلىگىنە ەرەكشە نازار اۋداردى.