ىقشاماۋداندارداعى كوپتەگەن بوس تەلىمدەردى اباتتاندىرۋ جوسپارلانۋدا.
2022 جىلعى «حالىقتىڭ قاتىسۋ بيۋدجەتى» جوباسىنىڭ اياسىندا حالىقتىڭ ۇسىنىسى بويىنشا 800 ملن. تەڭگەگە 23 جوبا ىرىكتەپ الىندى، دەپ حابارلايدى Almaty-akshamy.kz
«اۋدان تۇرعىندارىنىڭ وتىنىشتەرىن تالداۋ ناتيجەسىندە سيپاتى بويىنشا وتىنىشتەردىڭ جارتىسى ۋچاسكەلەردى اباتتاندىرۋعا نەمەسە اۋلا اۋماقتارىنا جوندەۋ جۇرگىزۋگە قاتىستى ەكەنىن اتاپ وتەمىن»، - دەدى ەربولات دوسايەۆ اۋەزوۆ اۋدانىنداعى حالىقپەن كەزدەسۋىندە.
2022 جىلعى «حالىقتىڭ قاتىسۋ بيۋدجەتى» جوباسىنىڭ اياسىندا حالىقتىڭ ۇسىنىسى بويىنشا 800 ملن. تەڭگەگە 23 جوبا ىرىكتەپ الىندى (2021 جىلى 22 جوبا). بۇل جوبالاردا سكۆەرلەردى، جاياۋ جۇرگىنشىلەر ايماقتارىن جوندەۋ، سونداي-اق بوس جاتقان ۋچاسكەلەردى اباتتاندىرۋ جۇمىستارىن جۇرگىزۋ قاراستىرىلعان.
وسىلايشا، 1، 3، 7، 8، 11 جانە مامىر-3، اقساي-3ب ىقشاماۋداندارىنداعى كوپتەگەن بوس تەلىمدەردى اباتتاندىرۋ جوسپارلانۋدا. بۇگىندە شالوۆ بۋلۆارىن اباتتاندىرۋدىڭ جوبالىق-سمەتالىق قۇجاتتاماسى ازىرلەنۋدە.
مامىر-1 ىقشاماۋدانىندا جاياۋ جۇرگىنشىلەر ايماعىن ورنالاستىرۋدىڭ جوبالىق-سمەتالىق قۇجاتتاماسىن ازىرلەۋ جۇمىستارى دا باستالدى، اعىمداعى جىلدىڭ سوڭىنا دەيىن اقساي 2 ىقشاماۋدانىنداعى اللەيا اباتتاندىرىلادى.
سونىمەن قاتار، 191 اۋلا اۋماعىندا كۇردەلى جوندەۋ جۇمىستارى جۇرگىزىلەدى.
«سايران كولىنىڭ ماسەلەلەرىنە بولەك توقتالعىم كەلەدى. اباتتاندىرۋ جۇمىستارىنا كولدىڭ ءتۇبىن تازالاۋ مەن جاعالاۋ ايماعىن رەتكە كەلتىرۋ جاتادى. بۇگىنگى تاڭدا سايران كولىنىڭ بوگەتتەرىنە كوپفاكتورلى زەرتتەۋ جۇرگىزىلدى، بوگەتتىڭ جاعدايى تۋرالى وڭ قورىتىندى بار. شىلدە ايىندا كول ءتۇبىن تازالاۋ بويىنشا جوبالىق-سمەتالىق قۇجاتتاماعا مەملەكەتتىك ساراپتامانىڭ قورىتىندىسىن الامىز دەپ وتىرمىز. جاعالاۋ ايماعىن دامىتۋ ءۇشىن اعىمداعى جىلدىڭ قىركۇيەك ايىندا جوبالىق-سمەتالىق قۇجاتتامانى ازىرلەۋ جانە مەملەكەتتىك ساراپتامادان ءوتۋ جۇمىستارى اياقتالادى دەپ كۇتىپ وتىرمىز. اعىمداعى جىلدىڭ III توقسانىندا كول ءتۇبىن تازارتۋ مەن ونى جاقسارتۋ ءۇشىن قۇرىلىس-مونتاج جۇمىستارىنا قارجى ءبولۋ ماسەلەسىن قاراستىرامىز»، - دەپ اتاپ ءوتتى قالا اكىمى.