سوندىقتان دا اۋدانداعى وزەكتى ماسەلەلەردىڭ ءبىرى - ەسىرتكى قىلمىسىنىڭ جولىن كەسۋ بولىپ وتىر.
بۇل جونىندە قالا اكىمىنىڭ اۋەزوۆ اۋدانىنىڭ تۇرعىندارىمەن وتكەن كەزدەسۋىنە ايتىلدى.
تەك وسى جىلدىڭ باسىنان بەرى 92 جاعداي تىركەلگەن، بۇل وتكەن جىلدىڭ 12 ايىنداعى كورسەتكىشتەن جوعارى (78)، دەپ حابارلايدى Almaty-akshamy.kz
ەسىرتكى قىلمىسىنىڭ جولىن كەسۋ جانە قارسى ءىس-قيمىل جاساۋ ءۇشىن بيىلعى جىلى ازاماتتار كوپ جينالاتىن جەرلەرگە كامەرالار ورناتۋ جوباسىنىڭ اياسىندا اۋدانعا 457 كامەرا ورناتۋ جوسپارلانعان، ونىڭ 87ء-سى اۋلالارعا، 202ء-سى الەۋمەتتىك وبەكتىلەر جانىنداعى ساياباقتارعا ورناتىلاتىن بولادى (72 – ساۋدا ورتالىقتارىنىڭ جانىندا، 32-بازارلاردىڭ جانىندا، 24-كوشە قيىلىستارىندا).
"ەسىرتكى قىلمىسىنا قارسى ءتيىمدى كۇرەسۋ ءۇشىن ازاماتتار مەن پوليسيا بىرلەسىپ ءىس-قيمىل جاساۋى قاجەت. مەن سىزدەردى ەسىرتكى ساتۋدىڭ ىقتيمال فاكتىلەرى، كۇدىكتى ىس-ارەكەتتەر تۋرالى پوليسياعا حابارلاۋعا، ەسىرتكىنىڭ تارالۋىنا مۇلدەم توزبەۋگە شاقىرامىن"، - دەدى قالا اكىمى.