ەكى ەلدىڭ ىنتىماقتاستىعى قازىرگى ۋاقىتتا دا ءساتتى دامىپ كەلە جاتىر.
گەرمانيا 2005 جىلدان بەرى قازاقستان ەكونوميكاسىنا 5،5 ملرد دوللار تىكەلەي ينۆەستيسيا سالدى. بۇل تۋرالى ق ر پرەمەر-مينيسترىنىڭ ءبىرىنشى ورىنباسارى رومان سكليار ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«پاندەميادان تۋىنداعان شەكتەۋلەر جاعدايىندا ءبىز ەكىجاقتى ەكونوميكالىق ىنتىماقتاستىقتى دامىتۋ تەندەنسياسىن ساقتاپ قانا قويماي، سونىمەن بىرگە ونلاين فورماتتى بارىنشا پايدالانا وتىرىپ، ناقتى جوبالار مەن ۇسىنىستاردى ىلگەرىلەتە الدىق. بۇگىندە گەرمانيا قازاقستاننىڭ ماڭىزدى سەرىكتەسى بولىپ وتىر. ساۋدا-ەكونوميكالىق ىنتىماقتاستىقتى تەرەڭدەتۋگە، ينۆەستيسيالاردى ىنتالاندىرۋعا جانە ءوزارا قورعاۋعا باعىتتالعان ءبىرقاتار ۇكىمەتارالىق كەلىسىم جۇمىس ىستەيدى»، - دەدى رومان سكليار ەلوردادا ءوتىپ جاتقان قازاقستان-گەرمان بيزنەس فورۋمىندا.
ونىڭ اتاپ وتۋىنشە، ەكى ەلدىڭ ىنتىماقتاستىعى قازىرگى ۋاقىتتا دا ءساتتى دامىپ كەلە جاتىر. مەملەكەت باسشىسى قاسىم-جومارت توقايەۆتىڭ 2019 جانە 2020 جىلدارداعى گەرمانياعا ساپارىنان كەيىن ءوزارا قارىم-قاتىناس قارقىن الا ءتۇستى.
«بىرلەسكەن ينۆەستيسيالىق جوبالاردى جۇزەگە اسىرۋ بارىسىندا تۋىندايتىن سۇراقتار مەن ماسەلەلەردى شەشۋگە باعىتتالعان ۇكىمەتتىك جۇمىس توبى قۇرىلدى. سونىمەن قاتار ىنتىماقتاستىقتىڭ اعىمداعى ماسەلەلەرىن تالقىلاۋ ءۇشىن گەرمانيالىق كومپانيالارمەن اي سايىن، ونىڭ ىشىندە ونلاين فورماتتا دا كەزدەسۋلەر وتكىزىلەدى. ينۆەستيسيا تۇرعىسىنان الىپ قاراساق، 2005 جىلدان بەرى ءبىزدىڭ ەكونوميكامىزعا گەرمانيادان شامامەن 5،5 ملرد دوللار تىكەلەي ينۆەستيسيا قۇيىلدى. ونىڭ باسىم بولىگى وڭدەۋ ونەركاسىبىنە سالىندى»، - دەدى ول.