سونىمەن قاتار بۇل سالادا كادر تاپشىلىعى دا وتكىر سەزىلەدى.
2021 جىلدىڭ ءۇشىنشى توقسانىندا ەلىمىزدىڭ قۇرىلىس سالاسىندا 640،7 مىڭ ادام جۇمىسپەن قامتىلدى، بۇل ءبىر جىل بۇرىنعىدان 3%-عا ارتىق، دەپ حابارلايدى Almaty-akshamy.kz ەnergyprom.kz سايتىنا سىلتەمە جاساپ.
2020 جىلدىڭ وسى كەزەڭىندە بۇل سەكتوردا جۇمىسپەن قامتىلعاندار سانى 621،8 مىڭ ادامدى قۇراعان.
وڭىرلىك ۇلەس بويىنشا، وسى سالادا جۇمىسپەن قامتىلعانداردىڭ باسىم بولىگى ەلوردادا تىركەلگەن: 74،7 مىڭ ادام. الماتى مەن تۇركىستان وبلىسى دا جەتەكشى وڭىرلەردىڭ ۇشتىگىنە ەندى. قۇرىلىستا جۇمىسپەن قامتىلعانداردىڭ ەڭ از كورسەتكىشى سولتۇستىك قازاقستان وبلىسىندا تىركەلدى: 11،2 مىڭ ادام.
قۇرىلىستا جۇمىسپەن قامتىلعاندار سانىنىڭ ەڭ كوپ ءوسىمى شىعىس قازاقستان وبلىسىندا (25،3%-عا، 34،1 مىڭ ادامعا دەيىن)، ەڭ قاتتى ازايعانى – قاراعاندى وبلىسىندا (7،6%-عا، 35،9 مىڭ ادامعا) بايقالدى.
2020 جىلمەن سالىستىرعاندا، بيىل نارىقتاعى بوس جۇمىس ورىندارىنىڭ سانى 53 پايىزعا ارتقان. جۇمىس ىزدەۋ بويىنشا تانىمال سەرۆيستىڭ ءبىرىنىڭ مالىمەتىنە سايكەس، بۇل ەلدەگى جىلجىمايتىن مۇلىككە سۇرانىستىڭ ارتۋىنا بايلانىستى بولىپ وتىر.
قۇرىلىس سالاسىندا ەڭبەك ەتەتىندەردىڭ ورتاشا ايلىق جالاقىسى بيىلعى ءۇشىنشى توقساندا 314،3 مىڭ تەڭگەگە جەتتى، بۇل وتكەن جىلمەن سالىستىرعاندا 32،5%-عا ارتىق. بۇل سالاداعى جالاقىنىڭ ناقتى ءوسىمى جىلىنا 21،9%-دى قۇرادى.
ەڭ جوعارى ورتاشا ايلىق جالاقىنى اتىراۋ وبلىسىنىڭ قۇرىلىسشىلارى الادى: 465،4 مىڭ تەڭگە (+ 44،3%). ماڭعىستاۋ وبلىسى مەن ەلوردانىڭ قۇرىلىسشىلارى دا جوعارى جالاقى الادى. ۇزدىك ءۇش ايماقتا عانا جالاقى رەسپۋبليكالىق دەڭگەيدەن جوعارى.
ەڭ از جالاقىنى قىزىلوردا وبلىسىنىڭ قۇرىلىسشىلارى الادى: بار بولعانى 166،8 مىڭ تەڭگە – بۇل ءبىر جىل بۇرىنعىدان 11،8%-عا ارتىق.