بالالارعا اباي بولايىق!
الماتى وبلىسىندا 50ء-شى بورت-پاترۋلدىك ەكيپاجىنىڭ قىزمەتكەرلەرى جول بويىنان 4 جاسار بالانى تاۋىپ، اتا-اناسىنا تابىستاپ، العىسقا بولەندى، دەپ حابارلايدى Almaty-akshamy.kz Polisia.kz-كە سىلتەمە جاساپ.
پاترۋلدىك پوليسيا باتالونى قىزمەتكەرلەرى بەكزات ءتۇرسىنالى مەن ماقسات وماروۆ قىزمەت ەتۋ بارىسىندا الماتى-شەلەك-قورعاس اۆتوجولىنىڭ 117 شاقىرىمىندا جول بويىندا جالعىز جۇرگەن 4 جاسار ءبۇلدىرشىندى بايقاپ، ونىڭ اتا-اناسىن جەدەل تۇردە تاۋىپ، اكەسىنە ءدىن امان تابىستادى.
ءبۇلدىرشىننىڭ ويناپ ءجۇرىپ، جول بويىنا شىعىپ، اداسىپ كەتكەندىگى بەلگىلى بولدى. ءتارتىپ ساقشىلارى بالانىڭ اتا-اناسىمەن پروفيلاكتيكالىق جۇمىستاردى جۇرگىزدى. ءوز كەزەگىندە بالاسىمەن قاۋىشقان اكە بەينەجازبا ارقىلى ءتارتىپ ساقشىلارىنا العىسىن ءبىلدىردى.