«ميگرانت» رەسپۋبليكالىق جەدەل الدىن الۋ ءىس-شاراسى وتكىزىلۋدە
الماتى وبلىسىندا زاڭسىز ەڭبەك ەتكەن 12 شەتەلدىك انىقتالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
ءتيىستى قوعامدىق ءتارتىپتى ساقتاۋ، زاڭسىز كوشى-قوننىڭ الدىن الۋ جانە جولىن كەسۋ ماقساتىندا 6-12 جەلتوقسان ارالىعىندا الماتى وبلىسىنىڭ اۋماعىندا «ميگرانت» رەسپۋبليكالىق جەدەل الدىن الۋ ءىس-شاراسى وتكىزىلۋدە.
وسىلايشا، 10 جەلتوقساندا رەيدتىك ءىس-شارا بارىسىندا الماتى وبلىسى پد كوشى-قون قىزمەتى باسقارماسىنىڭ قىزمەتكەرلەرى ەڭبەكشىقازاق اۋدانى ءىىب قىزمەتكەرلەرىمەن بىرگە ەسىك قالاسىندا كوپ قاباتتى ۇيلەردىڭ قۇرىلىس وبەكتىسىنەن زاڭسىز جۇمىس ىستەگەن 12 شەتەلدىكتى انىقتادى.
«شەتەلدىك ازاماتتار جۇمىسشى رەتىندە جۇمىسقا تارتىلعان. انىقتالعان قۇقىق بۇزۋشىلىقتار بويىنشا اكىمشىلىك ماتەريالدار جاسالىپ، ودان ءارى سوتقا جولدانىلاتىن بولادى»، – دەپ حابارلادى الماتى وبلىسى پد كوشى-قون قىزمەتى باسقارماسىنىڭ باستىعى ەلمۋرات نۋرسەيتوۆ.