ونىڭ نەسيە مولشەرلەمەسى 0-دەن 5 پايىزعا دەيىنگى ارالىقتا بولۋعا ءتيىس.
حالىقتى تۇرعىن ۇيمەن قامتاماسىز ەتۋ ءۇشىن ۇكىمەت قولجەتىمدى يپوتەكالىق باعدارلاما دايىنداۋ كەرەك، دەپ حابارلايدى Almaty-akshamy.kz
ويتپەگەن جاعدايدا باسپانا ماسەلەسى ۋشىعىپ، الداعى 7-8 جىلدا ۇيگە مۇقتاجدار سانى 10 ميلليون ادامعا دەيىن ارتۋى ىقتيمال. بۇل تۋرالى قازاقستان قۇرىلىسشىلار وداعى ۇيىمداستىرعان جيىندا ايتىلدى.
وداق وكىلدەرى ۇكىمەت قۇرىلىس سالاسىن قارجىلاندىرۋ قاجەت دەپ سانايدى. سودان كەيىن ەلىمىزدە يپوتەكالىق باعدارلامانى جۇزەگە اسىرۋ ءۇشىن قۇرىلىس ماتەريالدارى ءوندىرىسىن دامىتۋ كەرەك. ياعني، وعان دا جوبا جاساپ، قارجى بولگەن ءجون. سەبەبى قۇرىلىس ماتەريالدارىنىڭ باسىم بولىگى شەتەلدەن كەلەدى. قازاقستاندا سوڭعى 20 جىل بويى پاتەر باعاسى جىل سايىن كەم دەگەندە 10-20 پايىزعا قىمباتتايدى.
«ەگەر قازىردەن باستاپ، ۇكىمەت قۇرىلىس سالاسىن دامىتۋعا قاتىستى ءتيىستى شارالار قابىلداماسا بۇل ءۇردىس توقتامايدى»، - دەيدى جيىنعا قاتىسۋشىلار.
ايتا كەتەرى، بىرىككەن ۇلتتان ۇيىمىنىڭ ستاندارتىنا سايكەس، ءبىر ادامعا باسپانا كەم دەگەندە 30 شارشى مەتردەن كەلۋگە ءتيىس، ال قازاقستاندا بۇل كورسەتكىش 23 شارشى مەترگە تەڭ.
«جۇمىسشىلار، تاس قالايتىندار، اعاش وڭدەيتىندەر، وندىرىستە ىستەيتىندەر كەزەككە تۇرا المايدى. نەگە ونداي ايىرماشىلىق بار؟ ءبىر ازاماتتىڭ قۇقىعى باسقا ازاماتتان ارتىق پا؟ بۇل ادىلەتسىزدىك دەپ سانايمىن. سوندىقتان ءبىزدىڭ نارىققا يپوتەكا كەرەك»، - دەيدى «قازاقستان قۇرىلىسشىلار وداعى» رزتب ءتورالقا ءتوراعاسى تالعات ەرعالييەۆ.