جالپى، جىل باسىنان بەرى 11 مىڭنان استام قازاق قانداس مارتەبەسىن الدى.
قازاقستان ۇكىمەتى تاريحي وتانىنا ورالعىسى كەلگەن قازاقتارعا جاڭا الگوريتم بويىنشا ۆيزا بەرە باستادى، دەپ حابارلايدى Almaty-akshamy.kz.
«قازاقستان اۋماعىندا قانداستاردى ءتيىمدى قونىستاندىرۋ ماقساتىندا ق ر ەڭبەك جانە حالىقتى الەۋمەتتىك قورعاۋ مينيسترلىگى مەملەكەتتىك ورگاندارمەن بىرلەسىپ، رەسپۋبليكاعا ۆيزالىق رەجيمدەگى ەلدەردەن كەلگەن قانداستاردى قابىلداۋ، قونىستاندىرۋ جانە بەيىمدەۋ بويىنشا ورتالىق جانە جەرگىلىكتى مەملەكەتتىك ورگانداردىڭ ءوزارا ءىس-قيمىلىنىڭ قادامدىق الگوريتمىن ازىرلەدى.بيىلعى 1 قىركۇيەكتەگى جاعداي بويىنشا، وسى الگوريتمگە سايكەس، تۇرىكمەنستاننان كەلگەن 741 ەتنيكالىق قازاققا تۇراقتى تۇرۋ ءۇشىن ناقتى ءوڭىردى كورسەتە وتىرىپ، ءتيىستى ۆيزالار بەرىلدى»، - دەلىنگەن ەڭبەكمينى باسپا ءسوز قىزمەتىنىڭ حابارلاماسىندا.
بۇگىنگى كۇنى تۇركىمەنستاننان كەلگەن 666 ەتنيكالىق قازاق جوعارىدا كورسەتىلگەن ۆيزالار نەگىزىندە مەملەكەتتىك شەكارادان ءوتتى، ونىڭ ىشىندە 59 ادام پاۆلودار وبلىسىنا كەلدى، 162 ادام جۇمىس كۇشى تاپشى باسقا وڭىرلەرگە قونىس اۋدارۋعا كەلىستى، 45 ادام ماڭعىستاۋ وبلىسىنا قونىستاندىرۋ ءۇشىن ءوتىنىش بەردى (نەگىزدەمەلەرى بار). قالعان ەتنيكالىق قازاقتار بويىنشا جۇمىس كۇشى تاپشى وڭىرلەرگە قونىستاندىرۋ جۇمىستارى جۇرگىزىلۋدە.
2022 جىلعى 1 قىركۇيەكتەگى جاعداي بويىنشا، 11 165 ەتنيكالىق قازاق تاريحي وتانىنا ورالىپ، قانداس مارتەبەسىن الدى. 1991 جىلدان باستاپ رەسپۋبليكاعا بارلىعى 1 ملن 99،1 مىڭ ەتنيكالىق قازاق ورالدى.
وسى جىلدىڭ باسىنان باستاپ قازاقستانعا كەلگەن قانداستاردىڭ جارتىسىنان استامى (69،6%) وزبەكستاننان، 10،5% – قحر-دان، 7،1% – تۇركىمەنستاننان، 4،6% – موڭعوليادان جانە 8،3% - باسقا ەلدەردەن.
كەلگەن ەتنيكالىق قازاقتار نەگىزىنەن الماتى (30،8%)، ماڭعىستاۋ (17،2%)، تۇركىستان (9،4%) جانە جامبىل (6،8%) وبلىستارىندا، سونداي-اق الماتى (5،9%)، نۇر-سۇلتان (7،5%) جانە شىمكەنت (7،6%) قالالارىندا قونىستاندى.
وسى جىلعى 1 قىركۇيەكتەگى جاعداي بويىنشا، ەڭبەككە قابىلەتتى جاستاعى ەتنيكالىق قونىس اۋدارۋشىلاردىڭ سانى 59،5%-دى، ەڭبەككە قابىلەتتى جاستان كىشى ادامدار 27،1%-دى جانە زەينەتكەرلەر 13،4%-دى قۇرايدى.
ەڭبەككە قابىلەتتى جاستاعى قانداستاردىڭ ءبىلىم دەڭگەيى بويىنشا 12،3%-ى جوعارى ءبىلىمدى، 38،9%-ى ارنايى ورتا ءبىلىمدى، 47%- ى جالپى ورتا ءبىلىمدى جانە 1،7%-نىڭ ءبىلىمى جوق.
ەستەرىڭىزگە سالا كەتەيىك، قانداستار مەن قونىس اۋدارۋشىلاردى قابىلداۋدىڭ وڭىرلىك كۆوتاسىنا ەنگىزگەن كەزدە ەتنيكالىق قازاقتار سۋبسيديا تۇرىندە مەملەكەتتىك قولداۋدىڭ مىناداي شارالارىن الۋعا قۇقىلى:
- وتباسىنىڭ ءاربىر مۇشەسىنە كوشۋگە 70 اەك مولشەرىندە ءبىرجولعى تولەم (2022 جىلى – 222،6 مىڭ تەڭگە)؛
- تۇرعىن ءۇيدى جالداۋ جانە كوممۋنالدىق قىزمەتتەرگە اقى تولەۋ شىعىندارىن جابۋ ءۇشىن تولەم 1 جىل ىشىندە اي سايىن تولەنەدى. تولەم مولشەرى قالاعا قونىس اۋدارعان ءبىر ادام ءۇشىن 20 اەك-تەن (61،3 مىڭ تەڭگە) وتباسى مۇشەلەرىنىڭ سانى بەس جانە ودان دا بولسا 30 اەك-كە (91،9 مىڭ تەڭگە) دەيىن، اۋىلدىق جەرگە قونىس اۋدارعان ءبىر ادام ءۇشىن – 15 اەك-تەن (45،9 مىڭ تەڭگە) وتباسى مۇشەلەرىنىڭ سانى بەس نەمەسە ودان دا كوپ بولسا 21 اەك-كە (64،3 مىڭ تەڭگە) دەيىنگى مولشەردى قۇرايدى.