- ۋربانيست: «الماتىنىڭ جاڭا ەتج-دا ءومىر سۇرۋگە قاجەتتى بارلىق جاعدايى بار ورامدىق قۇرىلىس قاراستىرىلعان»
- ساراپشى: «ورامدىق قۇرىلىس – بۇل تۇرعىن ءۇي كەشەندەرى تىعىز سالىنعان قالا ەمەس، بۇل كوشەلەر «تورى»
- بەكىتىلگەن جاڭا باس جوسپار اياسىندا الماتىنىڭ ەگجەي-تەگجەيلى جوسپارلاۋ جوباسىنىڭ (ەتج) ەرەكشەلىگى، ونىڭ ورامدىق قۇرىلىسقا ءمان بەرۋىندە، دەپ سانايدى ۋربانيست سۆياتوسلاۆ مۋرۋنوۆ.
«الماتىنىڭ پوليورتالىقتارىنداعى جاڭا قۇرىلىس قالانىڭ تاريحي جوسپارىنا سايكەس جۇرگىزىلەدى. ورامدىق قۇرىلىس – بۇل تۇرعىن ءۇي كەشەندەرى تىعىز سالىنعان قالا ەمەس، بۇل كوشەلەر «تورى». بۇل جوسپار بارسەلونانىڭ ەشامپلە جوباسىنداعى 133-تە 133 مەترلىك قاعيداسىنا ۇقساس 150-دە 240 مەترگە دەيىنگى كوشە تورىن قامتيدى. بارسەلونا جوباسىنىڭ ەرەكشەلىگى، اۋا الماسۋ ءۇشىن قالا كەڭىستىگىن وڭتايلاندىرۋعا دەگەن تالپىنىس قانا ەمەس، سونىمەن قاتار «بارلىعىنا ارنالعان قالا» ءۇشىن جاعداي جاساۋدان تۇراتىن كەڭىستىكتەگى الەۋمەتتانۋ يدەياسىن جۇزەگە اسىرۋدا. بۇل تۇجىرىمداما قوعامدىق يگىلىكتەر مەن كەڭىستىكتەرگە تەڭ قولجەتىمدىلىكتى قامتاماسىز ەتە وتىرىپ، ءاربىر تۇرعىن ءۇشىن الەۋمەتتىك تەڭدىك پەن قالالىق ورتاعا قولجەتىمدىلىگىنىڭ ماڭىزدىلىعىن كورسەتەدى»، - دەدى سۆياتوسلاۆ مۋرۋنوۆ.
ول ەتج قالانىڭ دامۋىن تولىقتاي وزگەرتۋگە مۇمكىندىك بەرەتىنىن اتادى. بۇرىن تۇرعىن ۇيلەر مەن بيزنەس ورتالىقتارعا باسا نازار اۋدارىلاتىن، سەبەبى ادام قالادا قالاي ءومىر سۇرگىسى كەلەتىنى تۋرالى تۇسىنىك بولعان.
«قالا تۇرعىنىنىڭ ساۋالناماسى ولاردىڭ نەگىزىنەن قالانىڭ ءومىر ءسۇرۋ سالتىنا تالپىناتىنىن كورسەتتى: تۇرعىندار ۇيىنە جاقىن جەردە جۇمىس ىستەگىسى كەلەدى، مەيرامحانا جانە وزگە دە قىزمەت تۇرلەرىن باسقا اۋداندارعا بارماي-اق، وزدەرى تۇراتىن ماڭنان العىسى كەلەدى. سوندىقتان ەتج بۇگىندە قالا قۇرىلىسى تۇجىرىمداماسىنا كاسىبي مامانداردىڭ ىقپال ەتەتىنىن قۇرىلىس سالۋشىعا ۇقتىرادى. ەندى قۇرىلىس سالۋشى اكىمدىكپەن نە سالعىسى كەلەتىنىن مۇقيات كەلىسۋى كەرەك، سونىڭ ارقاسىندا مىنگەستىرىپ تۇرعىن ءۇي سالۋ توقتايدى»، - دەدى ۋربانيست.
ونىڭ ايتۋىنشا، بۇگىندە مەگاپوليس قالا قۇرىلىسى ساياساتىنا اسەر ەتە باستايدى. ەتج-نىڭ جاڭا ەرەجەسى قۇرىلىس سالۋشىلاردان تۇجىرىمدامالىق جوبالاۋعا مۇلدە باسقا كوزقاراستى تالاپ ەتەدى. قالانىڭ ءار اۋدانىنداعى قۇرىلىستىڭ ورامدىق تورىنا كوپتەگەن فۋنكسيونالدى نىسان كىرەدى، بۇل جۇمىسپەن قامتۋ مەن جۇمىس ورىندارىن قۇرۋ ماسەلەسىن شەشۋگە ىقپال ەتەدى.
«بۇگىندە ءبىز ادام ماماندىق پەن قىزمەت سالاسىن تەز وزگەرتۋگە ءماجبۇر بولاتىن ۋاقىتتا ءومىر ءسۇرىپ جاتىرمىز. بۇل قالا بيلىگىنەن جۇمىس ورىندارىنىڭ قالاي قۇرىلاتىنىن وتە ءدال ءارى ناقتى تۇجىرىمداۋدى تالاپ ەتەدى. ەتج-دا مادەني ورتالىقتار، ۇلكەن ەكولوگيالىق وندىرىستىك كەڭىستىكتەر مەن كەڭسە ورتالىقتارىنىڭ قۇرىلىسى قاراستىرىلعان، سونىڭ ارقاسىندا جۇمىسپەن قامتۋ 45%-دان كەم بولمايتىنداي دەڭگەيدە قامتاماسىز ەتىلۋى مۇمكىن»، - دەپ ءسوزىن تۇيىندەدى سۆياتوسلاۆ مۋرۋنوۆ.