داريعا بادىقوۆانى اتاقتى جىگىتتەردىڭ ەشقايسىسى قۋىپ جەتە المادى
اسىرەسە، وتاندىق "تاپتىم-اۋ سەنى"، "ءداستۇر" جانە "قازاقشا بيزنەس برازيليادا" فيلمدەرى كورەرمەندەردىڭ كوڭىلدەرىنەن ويىپ تۇرىپ ورىن الدى، دەپ حابارلايدى Almaty-akhamy.kz Kyzylorda-news.kz-كە سىلتەمە جاساپ.
داريعا بادىقوۆانىڭ العاشقى پروديۋسەرلىك جوباسى "تاپتىم-اۋ سەنى" رومانتيكالىق كومەدياسى 2023 جىلدىڭ 1 جەلتوقسانىندا تۇساۋى كەسىلگەن ساتتەن باستاپ 2024 جىلدىڭ 31 قاڭتارىندا پروكاتى اياقتالعانعا دەيىن كاسسالىق تابىس بويىنشا جەتەكشى ورىندا بولدى. فيلم يەلەرى مەن Rentrak جۇيەسىنىڭ مالىمەتتەرى بويىنشا، "تاپتىم-اۋ سەنى" ەكى ايدا (12.01.2023-31.01.2024) 1،85 ميلليارد تەڭگەنى جيناپ، وتاندىق فيلمدەر اراسىنداعى ءابسوليۋتتى رەكوردتى ورناتتى.
داريعا بادىقوۆانىڭ رومانتيكالىق كومەدياسىنىڭ ىزىنەن كورەرمەندەردىڭ كوڭىلىنەن شىققان تاعى ءبىر دەبيۋت – قۋانىش بەيسەكتىڭ "ءداستۋر" تولىقمەتراجدى ءفيلمى. جاڭا جىل قارساڭىندا باستالعان حوررور جانرىنداعى فيلم Rentrak جۇيەسى بويىنشا بەس اپتاعا جۋىق ۋاقىت ىشىندە 1،72 ميلليارد تەڭگە تابىس تاپتى.
كوپتەگەن جىلدار بويى ءداستۇرلى تۇردە جاڭا جىل قارساڭىندا شىعىپ، كاسسالىق رەكوردتار ورناتقان "قازاقشا بيزنەس" فرانشيزاسىن دا اتاپ كەتۋىمىز ءجون. الايدا، بۇل جولى كومەديالىق حيكايانىڭ جاڭا ءبولىمى تەك ءۇشىنشى ورىندا بولدى: Rentrak جۇيەسى بويىنشا "قازاقشا بيزنەس برازيليادا" 1 ميلليارد تەڭگەگە جۋىق جيناعان.
«وتاندىق كينەماتوگرافيانىڭ جەتىستىكتەرىنە، اسىرەسە داريعا بادىقوۆانىڭ ءساتتى دەبيۋتتىك جوباسىنىڭ قۋانىشتىمىز، سەبەبى كينو سالاسىندا پروديۋسەر ايەلدەر ساناۋلى عانا. "تاپتىم اۋ سەنى" رەكوردتىق تابىسىن قازاقتىڭ قىز قۋۋ ويىنىمەن سالىستىرۋعا بولادى: اتاقتى جىگىتتەردىڭ ەشقايسىسى ونى قۋىپ جەتە المادى»، - دەپ حابارلايدى Kinopark-Kinoplexx Theatres كومپانياسى.