سقو پوليسەيلەرى 12 كۇندە 8 تىركەلمەگەن مىلتىقتى تاركىلەدى
12 كۇن بويى سقو پوليسەيلەرى “قارۋ يەسى” اكسياسى رەجيمىندە جۇمىس ىستەدى. وسى ۋاقىت ىشىندە ءتارتىپ ساقشىلارى 4275 ادامدى — وبلىستاعى بارلىق ازاماتتىق قارۋ يەلەرىن تەكسەردى.
اۋداندارداعى شالعاي ۋچاسكەلەر مەن قىستاۋلار دا تەكسەرىلدى. جالپى ايتقاندا، سولتۇستىكقازاقستاندىقتار قارۋعا جاۋاپكەرشىلىكپەن قارايدى. دەگەنمەن، وبلىستىڭ 29 تۇرعىنى ونى ساقتاۋ ەرەجەلەرىن بۇزعانى ءۇشىن جاۋاپقا تارتىلدى. كوبىنەسە قارۋ يەلەرى دابىل اقاۋلارىن بايقامايدى، ونى ورناتۋ قارۋ يەلەرى ءۇشىن مىندەتتى سانالادى نەمەسە قارۋ-جاراق سەيفتەرىندە بوگدە قۇندىلىقتاردى ساقتايدى – بۇعان تىيىم سالىنعان.
تاعى 21 ادام قارۋلارىن بەلگىلەنگەن مەرزىمدە قايتا تىركەمەگەن. سونداي-اق تەگىس ۇڭعىلى اڭشىلىق مىلتىقتاردى زاڭسىز ساقتاۋدىڭ 8 فاكتىسى انىقتالدى.
بارلىق ءتارتىپ بۇزۋشىلاردى پوليسيا اكىمشىلىك جاۋاپكەرشىلىككە تارتتى. 16 كاليبرلى تىركەلمەگەن توز مىلتىعىن ءوز ەركىمەن تاپسىرعان پەتروپاۆل قالاسىنىڭ 49 جاستاعى تۇرعىنى جازادان قۇتىلدى.
ونىڭ ايتۋىنشا، قارۋدى بوركي اۋىلىنىڭ ورمان القابىنان تاۋىپ العان. الدىمەن ەر ادام تاپقان زاتتى ۇيگە اكەلگەن، ءبىراق كەيىن ونى پوليسياعا تاپسىرۋعا شەشىم قابىلدادى.
– ەگەر ادامنىڭ ىس-ارەكەتىندە وزگە قىلمىس قۇرامى بولماسا، تىركەلمەگەن قارۋدى زاڭسىز ساقتاعانى ءۇشىن قىلمىستىق جانە اكىمشىلىك جاۋاپكەرشىلىكتەن قۇتىلۋدىڭ جالعىز جولى ونى تاپسىرۋ. وبلىس تۇرعىندارىنان ءقاۋىپتى زاتتاردى ساقتاۋدان باس تارتۋدى، جاقىن ماڭداعى اۋماقتىق پوليسيا بولىمشەسىنە ەرىكتى تۇردە تاپسىرۋ تۋرالى ءوتىنىش جازۋدى سۇرايمىز، – دەپ ەسكە سالادى سقو پد اكىمشىلىك پوليسيا باسقارماسىنىڭ باستىعى سەرىك ءالجانوۆ.