قازاقستاندىق دانييل فەلكەر تاجىكستان استاناسى دۋشانبەدە 18 جاسقا دەيىنگىلەر اراسىندا وتكەن ءتورتىنشى ساناتتاعى ITF ءتۋرنيرىنىڭ ءابسوليۋتتى چەمپيونى اتاندى، دەپ حابارلايدى Almaty-akshamy.kz Inform.kz-كە سىلتەمە جاساپ.
قازاقستان تەننيس فەدەراسياسى ءمالىم ەتكەنىندەي، الماتىلىق، 17 جاستاعى د.فەلكەر جەكەلەي سىندا فينالدا 14-تەگى تاعى ءبىر قازاقستاندىق ءامىر ومارحانوۆپەن كەزدەستى. تارتىستى وتكەن باسەكەدە دانييل قاراعاندى قالاسىنىڭ تۇلەگىن 6:2، 0:6، 6:2 ەسەبىمەن ۇتتى.
د.فەلكەر جۇپتىق سىندا الماتىلىق ولەگ گۋساكوۆپەن بىرگە سوڭعى ماچتا اقتوبەلىك ارتۋر حايرۋتدينوۆ – قىزىلوردالىق ەراسىل ەردىلدانى 6:4، 2:6، 10:8 ەسەبىمەن جەڭدى.
سونداي-اق اقتوبە قالاسىندا ازيا تەننيس فەدەراسياسى اياسىندا 14 جاسقا دەيىنگىلەر اراسىندا ەكىنشى ساناتتاعى جارىس اياقتالدى.
قىزدار اراسىندا سوڭعى سىندا قاراعاندىلىق ادەلينا مامانفينانى سۇرىندىرگەن ەلوردالىق البينا كاكەنوۆا التىن مەدالعا يە بولدى. ءۇشىنشى ورىنعا تاعى ءبىر ەلوردالىق ءاديا وماربەك كوتەرىلدى.
جۇپتىق سىندا اقتوبەلىكتەر ەۆا كورىشيەۆا مەن ارۋجان داندايەۆا ۇزدىك شىقتى. ولار فينالدا ەلوردالىق تاتيانا يۆانوۆا – شىمكەنتتىك سابينا شۋحراتوۆادان باسىم ءتۇستى – 6:4، 6:4. قاراعاندىلىق ا.مامانفينا مەن ەلوردالىق ءا.وماربەك قولا جۇلدەنى قاناعات تۇتتى.
ۇلدار اراسىندا بارلىق جۇلدەلى ورىن استانالىق تەننيسشىلەردىڭ ەنشىسىندە كەتتى. مانسۇر قايروللانى 6:1، 6:1 ەسەبىمەن قاپى قالدىرعان ياروسلاۆ پشەنيچنىي چەمپيوندىق تۇعىرعا كوتەرىلسە، ولجاس ەسەنالى ۇزدىك ۇشتىككە ىلىكتى.
جۇپتىق سىندا م.قايروللا – و.ەسەنالى جەڭىمپاز اتانسا، شىمكەنتتىك شىڭعىس تۇرلىبەك پەن كوكشەتاۋلىق تايىر قايرەتدينوۆكە ەكىنشى، اقتوبەلىك مانسۇر سايىنوۆ پەن قاراعاندىلىق رامازان شاعاتايەۆقا ءۇشىنشى ورىن بۇيىردى.