«جايلى مەكتەپ» ۇلتتىق جوباسىن ىسكە اسىرۋ اياسىندا مەكتەپ قۇرىلىستارىن وندىرەتىن وتاندىق تاۋار وندىرۋشىلەردىڭ كورمەسى ءوتتى، -دەپ حابارلايدى اlmaty-akshamy.kz BAQ.KZ-كە سىلتەمە جاساپ.
ەلورداداعى «كونگرەسس ورتالىعى» عيماراتىندا ءوتىپ جاتقان كورمەگە 80-نەن اسا كومپانيا ءوز ونىمدەرىن الىپ كەلگەن. كورمەنىڭ نەگىزگى ماقساتى ەلىمىزدە مەكتەپكە قاجەتتى قۇرىلىس زاتتارىن ۇسىنا الاتىن كومپانيالاردىڭ بار ەكەنىن كورسەتۋ. كومپانيالار ءارتۇرلى ونىمدەردى ۇسىندى. قۇرىلىسقا قاجەتتى ونىمدەر مەن وقۋشىلار پارتاسى، مەكتەپ فورماسى بار. اعاشتان باستاپ، پلاستيكتەن جاسالعان قاجەتتى قۇرال جابدىقتاردى كورۋگە بولادى.
ەلدە مەكتەپ قۇرىلىسىن سالا الاتىن وزىق مەكەمەلەر بار. كورمەنى ءبىلىم جانە عىلىم مينيسترلىگىنىڭ وكىلدەرى دە كورىپ كەتتى. بۇل جوبانى «Samruk-Kazyna Construction» اكسيونەرلىك قوعامى اتقارىپ جاتىر. كورمەدەن بولەك الداعى ۋاقىتتا ءونىم شىعاراتىن زاۆودتارعا بارۋ جوسپارلانعان. «جايلى مەكتەپ» جوباسىنداعى مەكتەپتەردىڭ دەڭگەيى جوعارى بولعانىن قالايمىز. وقۋشىلارعا ءتيىمدى بولۋ كەرەك، دەيدى - يندۋستريا جانە ينفراقۇرىلىمدىق دامۋ ۆيسە-مينيسترى يلياس وسپانوۆ.
ايتا كەتۋ كەرەك، بۇل كورمە العاش رەت ۇيىمداستىرىلىپ جاتىر.