ءتىپتى ەلوردانىڭ وزىندە قۇرىلىس سالۋشىلاردىڭ تورتتەن ءۇشىنىڭ ساتىلىمعا شىعاراتىن تۇرعىن ءۇي كەشەنىنىڭ سانى ۇشتەن اسپايدى.
ەلىمىزدە جۇمىس ىستەپ تۇرعان قۇرىلىس ۇيىمدارىنىڭ 99%-ى شاعىن كاسىپورىندار، دەپ حابارلايدى Almaty-akshamy.kz Finprom.kz سايتىنا سىلتەمە جاساپ.
تۇرعىن ءۇي قۇرىلىسى نارىعى بىرنەشە جىلدان بەرى قارقىندى ءوسىپ كەلەدى. 2021 جىلدىڭ ون ايىنىڭ قورىتىندىسى بويىنشا تۇرعىن ءۇي قۇرىلىسىنا 1،9 ترلن تەڭگە ينۆەستيسيا تارتىلعان، بۇل 2020 جىلعى قاڭتار-قازانمەن كەزەڭىمەن سالىستىرعاندا 24،4%-عا ارتىق. بيىلعى جىلى بارلىعى 11،6 ملن شارشى مەتر پايدالانۋعا بەرىلدى، بۇل – وتكەن جىلمەن سالىستىرعاندا 7،9%-عا ارتىق.
ەسكە سالا كەتسەك: بيىل ەل ازاماتتارىنا باسپانا ساتىپ الۋ ءۇشىن جيناقتاعان زەينەتاقى قاراجاتىنىڭ ءبىر بولىگىن الۋعا مۇمكىندىك بەرىلدى. سونىمەن قاتار، دۇنيە جۇزىندە قۇرىلىس ماتەريالدارى باعاسىنىڭ قىمباتتاۋىنا بايلانىستى باسپانا قۇنىنىڭ دا ءوسۋى بايقالادى.
ءقازىردىڭ وزىندە جاڭا (ءالى بەلسەندى ەمەس) قۇرىلىس كومپانيالارى سانىنىڭ اي سايىنعى سەرپىندى ءوسىمى بايقالادى. ماسەلەن، جىل باسىنان بەرى ولاردىڭ سانى 50،8%-عا نەمەسە 2،3 مىڭعا ارتىپ، قازان ايىنىڭ سوڭىنا قاراي 6،7 مىڭ كاسىپورىن بولدى. ياعني، ەلىمىزدىڭ تۇرعىن ءۇي قۇرىلىسىنىدا جاڭا كومپانيالاردىڭ سانى ارتىپ كەلەدى، ءبىراق ولاردىڭ قانشالىقتى سەنىمدى ەكەنى بەلگىسىز.
سونىمەن قاتار، جۇمىستىڭ وزىندىك قۇنىنىڭ وراسان جوعارىلاۋىمەن بايلانىستى قازىرگى جاعدايدا كوپتەگەن جۇمىس ىستەپ تۇرعان كومپانيالار ولاردىڭ سەنىمدىلىگىنە كۇمان كەلتىرەتىندەي قيىندىقتارعا تاپ بولدى. قازاقستان رەسپۋبليكاسى ۇلتتىق بانكىنىڭ نارىقتىق ساۋالناماسىنا سايكەس، 2021 جىلدىڭ ءۇشىنشى توقسانىندا ساۋالناماعا قاتىسقان قۇرىلىس كومپانيالارىنىڭ 20%-ى عانا وزدەرىنىڭ جاعدايىن تۇراقتى دەپ باعالانعان. ال، كومپانيالاردىڭ 36،2 پايىزى اۋىر جاعدايدا.
نۇر-سۇلتان قالاسى بويىنشا الىنعان مىسال: كورتەر پورتالىنىڭ مالىمەتىنشە، ەلوردادا 87 قۇرىلىس كومپانياسى جۇمىس ىستەيدى، ال ولاردىڭ كوپشىلىگىندە بىر-ەكى عانا نىسان ساتىلۋدا. 74% -دا نەمەسە 64 قۇرىلىس سالۋشىنىڭ ساتىلىمىندا ءۇش تۇرعىن ءۇي كەشەنىنەن ارتىق نىسان جوق. ءبىر عانا تۇرعىن ءۇي كەشەنىن ساتاتىن دا كومپانيالار بار. بۇل جەردە سالىنعان تۇرعىن ءۇي كەشەندەرىنىڭ سانى كومپانيالار قىزمەتىنىڭ كولەمى مەن اۋقىمى تۋرالى حابار بەرەدى.
جالپى، قازاقستان رەسپۋبليكاسىندا جۇمىس ىستەپ تۇرعان قۇرىلىس ۇيىمدارىنىڭ 99%-ى شاعىن كاسىپورىندار، ال سايكەسىنشە 0،7% جانە 0،3%-ى عانا ورتا جانە ءىرى كاسىپورىندار بولىپ تابىلادى.