جانساي ەل چەمپيوناتىن قورىتىندىلادى
ۇلتتىق وليمپيادا كوميتەتى دەرەگىنشە، دزيۋدودان ورالدا وتكەن قازاقستان چەمپيوناتىندا جانساي سماعۇلوۆ 73 كەلىگە دەيىنگى سالماقتا جەڭىسكە جەتتى.
جارىس سوڭىندا سايتىنا سۇحبات بەرگەن سپورتشى، بىرىنشىلىكتەگى باسەكەلەستىكتىڭ جوعارى بولعانىن ايتتى.
«بۇل چەمپيونات باسقالارعا قاراعاندا قيىنداۋ بولدى. ءىزىمىزدى باسىپ كەلە جاتقان جاستار بارىنا كوزىم جەتتى. اسىرەسە، جارتىلاي فينالدا قيىنداۋ بولدى.
نەگىزى، چەمپيوناتتىڭ فينالىندا 66 كەلىدەن اۋىسقان ەرلان سەرىكجانوۆپەن نەمەسە الەم چەمپيوناتىنا قاتىسقان اڭساربەك عاينۋللينمەن كەزدەسەمىن دەپ ويلاعانمىن. ءبىراق بىلتىر ەل چەمپيونى اتانعان جاس بالۋانمەن كەزدەستىم.
بۇل سالماقتاعى باسەكەلەستىك ارتىپ كەلەدى، جاستاردىڭ كوبەيگەنى قۋانتادى. قاتتى قۋانىشتىمىن. وليمپيادادان كەيىن بابىمدا بولدىم، سالماعىم دا اسا كوپ ەمەس. تەز قالىپقا كەلدىم. ەندى باپكەرلەرمەن اقىلداسىپ، جاڭا جىلدان كەيىنگى جوسپارلارعا كىرىسەمىز»، - دەدى سماعۇلوۆ.