بۇل تۋرالى ق ر قارجى نارىعىن رەتتەۋ جانە دامىتۋ اگەنتتىگى ءتوراعاسىنىڭ ورىنباسارى ولەگ سموياكوۆ ۇكىمەت وتىرىسىندا ءمالىم ەتتى.
ەلىمىزدە كوللەكتورلاردى قىلمىستىق جاۋاپقا تارتۋ مۇمكىندىگى قاراستىرىلىپ جاتىر، دەپ حابارلايدى Almaty-akshamy.kz
«قارجىلىق قىزمەت تۇتىنۋشىلارىنىڭ قۇقىعىن قورعاۋدى كۇشەيتۋ ءۇشىن بيىل ءبىزدىڭ اگەنتتىك زاڭنامالىق تۇزەتۋلەر ەنگىزۋ باستاماسىن كوتەردى. ناتيجەسىندە رەتتەۋشىلىك سيپاتتاعى شارالار قابىلداندى. اتاپ ايتار بولساق، بيىل مامىردا بانكتىك، ميكروقارجى جانە كوللەكتورلىق قىزمەتتى رەتتەۋ ماسەلەلەرى بويىنشا زاڭ قابىلداندى. جاڭا زاڭدا بانكتەر مەن ميكروقارجى ۇيىمدار الدىنداعى ازاماتتاردىڭ مەرزىمى وتكەن بەرەشەگىن قايتارۋ ءتارتىبى قايتا قارالعان. سونداي-اق بانكتەردىڭ بارلىق يپوتەكالىق قارىزدار بويىنشا سىياقىلارى، تۇراقسىزدىق ايىبى، كوميسسيالار مەن وزگە دە تولەمدەر تولەۋدى تالاپ ەتۋىنە تىيىم سالۋ ەنگىزىلگەن»، - دەدى ولەگ سمولياكوۆ.
سونىمەن قاتار اگەنتتىك باسشىسىنىڭ ورىنباسارى كوللەكتورلار ءۇشىن قوسىمشا شەكتەۋلەر ەنگىزىلگەنىن ايتىپ ءوتتى.
«پرەزيدەنتتىڭ تاپسىرماسى بويىنشا كوللەكتورلىق ۇيىمداردىڭ زاڭسىز ارەكەتتەرىنەن ازاماتتاردىڭ قۇقىقتارىن قورعاۋ ماقساتىندا ءبىزدىڭ اگەنتتىك كوللەكتورلىق اگەنتتىك قىزمەتكەرلەرىنە قاتىستى اكىمشىلىك جانە قىلمىستىق جاۋاپكەرشىلىكتى قاراستىرۋدى ۇسىنىپ وتىر. بۇگىندە باس پروكۋراتۋرا ۇسىنىس جاسالىپ، كوللەكتورلار قىزمەتىن رەتتەۋدى قاتاڭداتۋ بويىنشا قوسىمشا شارالار پىسىقتالىپ جاتىر»، - دەيدى ول.