بيىل ەلىمىزدە قۇربان شالۋ ءراسىمى وفلاين جانە ونلاين فورماتتا وتەدى.
بۇگىن قمدب ءتوراعاسى ناۋرىزباي قاجى تاعان ۇلى قۇربان ايت مەرەكەسىنە قاتىستى ءىس-شارالاردى پىسىقتاۋ ءۇشىن ارنايى جينالىس وتكىزدى، دەپ حابارلايدى Almaty-akshamy.kz باسقارمانىڭ باسپا ءسوز قزمەتىنە سىلتەمە جاساپ.
وكىلدىكتەردىڭ باس يمامدارى قاتىسقان جيىندا قمدب قىزمەتكەرلەرى قۇربان ايتتا ۇيىمداستىرىلاتىن قايىرىمدىلىق ءىس-شارالار، اقپاراتتىق تۇسىندىرمە جۇمىستارى، ءپاتۋا بەرۋ، سانيتارلىق تالاپتاردى ساقتاۋ، ت.ب. باعىتتار بويىنشا باس مۇفتيگە باياندادى.
«قۇربان ايت – ءيسى مۇسىلماننىڭ ۇلىق مەيرامى. بۇل مەيرامدى جوعارى دەڭگەيدە اتاپ ءوتۋ ءۇشىن قمدب جانىنان قۇرىلعان جۇمىس توبى بەكىتىلگەن جوسپاردى اسقان جاۋاپكەرشىلىكپەن تياناقتى تۇردە جۇزەگە اسىرۋى ءتيىس. وسى باعىتتا ءار ءبولىم قىزمەتكەرى وزىنە جۇكتەلگەن جۇمىستى جوعارى دەڭگەيدە ۇيىمداستىرۋى قاجەت» دەپ اتاپ ءوتتى ناۋرىزباي قاجى تاعان ۇلى.
باس ءمۇفتي جينالىستا قۇربان شالۋ ءراسىمى كەزىندە قاۋىپسىزدىك شارالارعا ءجىتى ءمان بەرۋ قاجەتتىگىن ءسوز ەتتى. سونىمەن قاتار جۇمىس توبىنا ءتيىستى تاپسىرمالار بەردى.
بيىل ەلىمىزدە قۇربان شالۋ ءراسىمى وفلاين جانە ونلاين فورماتتا وتەدى. ءدىني باسقارما ەل ازاماتتارىنا، اسىرەسە قالا تۇرعىندارىنا قولايلى جاعداي جاساۋ ماقساتىندا الداعى كۇندەرى قۇربان شالۋ ءراسىمىن قاشىقتان وتكىزۋگە ارنالعان qurban2023.kz سايتىن ىسكە قوسپاق.