پرەزيدەنت قاسىم-جومارت توقايەۆ قحر ءتوراعاسى سي ءسزينپيننىڭ 70 جاسقا تولعان مەرەيتويىنا وراي قۇتتىقتاۋ جەدەلحاتىن جولدادى
قاسىم-جومارت توقايەۆ قىتايدىڭ ساياسي، الەۋمەتتىك-ەكونوميكالىق، مادەني-گۋمانيتارلىق سالالارىن دامىتۋعا جانە حالىقارالىق ارەناداعى جوعارى بەدەلىن ىلگەرىلەتۋگە سي ءسزينپيننىڭ قوسقان جەكە ۇلەسىن جوعارى باعالادى، دەپ حابارلايدى almaty-akshamy.kz
مەملەكەت باسشىسى جۇڭگو حالقىنىڭ يگىلىگىن قامتاماسىز ەتۋگە باعىتتالعان قحر ءتوراعاسىنىڭ باستامالارى مەن اۋقىمدى رەفورمالارىنىڭ تابىستى جۇزەگە اسىرىلۋىنا تىلەكتەستىك ءبىلدىردى.
پرەزيدەنت قازاقستاننىڭ ەكى ەل اراسىنداعى جان-جاقتى ستراتەگيالىق سەرىكتەستىك پەن ىنتىماقتاستىقتى نىعايتۋعا نيەتتى ەكەنىن تاعى دا راستادى.
– ءبىزدىڭ بىرلەسكەن كۇش-جىگەرىمىز ەكى ەل اراسىنداعى ىنتىماقتاستىقتى ودان ءارى نىعايتۋعا جانە قازاقستان مەن جۇڭگو اراسىنداعى كوپجاقتى سەرىكتەستىكتى ساپالى جاڭا دەڭگەيگە شىعارۋعا تولىق ىقپال ەتەتىنىنە سەنىمدىمىن، – دەپ جازىلعان جەدەلحاتتا.