140-قا جۋىق كازينو جانە 2000-نان استام ويىن اۆتوماتتارى بولعان.
سوننىمەن قاتار قازاقستاندا ويىن بيزنەسى تۋرالى زاڭناماعا 62 تۇزەتۋ ازىرلەندى، دەپ حابارلايدى Almaty-akshamy.kz
2023 جىلدىڭ باسىنان مادەنيەت جانە سپورت مينيسترلىگى ويىن بيزنەسى سالاسىنداعى 6 ليسەنزيانىڭ كۇشىن سوت تارتىبىمەن توقتاتتى. وسىعان ۇقساس تاعى 7 ۇيىمعا قاتىستى جۇمىس جۇرگىزىلىپ جاتىر.
ايتا كەتەيىك، 2022 جىلى مەملەكەتتىك باقىلاۋ اياسىندا جوسپاردان تىس تەكسەرۋلەر جۇرگىزىلىپ، 7 اكىمشىلىك ءىس قوزعالدى. ناتيجەسىندە 1 ويىن اۆتوماتتارى زالى ليسەنزيادان ايىرىلدى، ءبىرىنشى ينستانسيا سوتتىڭ شەشىمىمەن ءۇش زالدىڭ قىزمەتى توقتاتىلدى، 6 اكىمشىلىك ايىپپۇل سالىندى. بۇدان بولەك، الدىن-الۋ جۇمىستاردىڭ قورىتىندىسى بويىنشا 15 بۋكمەكەرلىك ليسەنزيانىڭ كۇشى جويىلدى.
قازىرگى مينيسترلىكتىڭ تىكەلەي قاتىسۋىمەن ويىن بيزنەسى، لوتەرەيا جانە لوتەرەيا قىزمەتى سالاسىنداعى زاڭناماعا، ىلەسپە نورماتيۆتىك-قۇقىقتىق اكتىلەرگە 62 تۇزەتۋ ەنگىزۋدى كوزدەيتىن 3 زاڭ جوباسى ازىرلەندى. بۇل شارالار زاڭنامانى بۇزعاندارعا جاۋاپكەرشىلىكتى كۇشەيتۋگە، جاعىمسىز الەۋمەتتىك جانە ەكونوميكالىق سالداردىڭ الدىن الۋعا جانە ەسكەرتۋگە باعىتتالعان. قۇمار ويىندارعا تاۋەلدىك ماسەلەسىنە ەرەكشە نازار اۋدارىلىپ وتىر.
"قازاقستاندا ويىن مەكەمەلەرىنىڭ سانى 50 ەسەدەن استام قىسقاردى. بۇعان دەيىن ەلدە 140-قا جۋىق كازينو جانە 2000-نان استام ويىن اۆتوماتتارى زالى بولعان. بۇگىندە 39 ليسەنزيالانعان مەكەمە قالدى: 6 كازينو، 10 ويىن اۆتوماتتارى زالى، 17 بۋكمەكەرلىك كەڭسە، 6 توتاليزاتور. مينيسترلىك دەپۋتاتتار توبىمەن بىرلەسىپ زاڭسىز ويىن بيزنەسىمەن جانە قۇمار ويىنداردىڭ تارالۋىمەن كۇرەسۋ باعىتىندا قوسىمشا زاڭنامالىق شارالار ازىرلەپ جاتىر"، - دەلىنگەن مادەنيەت جانە سپورت مينيسترلىگىنىڭ حابارلاماسىندا.