الەۋمەتتىك جەلىلەردە تۇيەقۇستىڭ اياعىنداي اياعى، كەنگۋرۋداعىداي قالتاسى بار قۇلاعى ءسۇيىر قۇلاقتى ايەلدىڭ ەرەكشە ءمۇسىنى بار جالعان ۆيدەو تاراۋدا، دەپ حابارلايدى almaty-akshamy.kz stopfake.kz سىلتەمە جاساپ.
ءارتۇرلى جانۋارلاردىڭ گەندەرى بار ۆاكسينالاردى قولدانا وتىرىپ، «گلوباليستەر» ناق وسىنداي ادامدى جاساماق ەكەن. بۇل دۇرىس ەمەس. جوبا «ەليس 2.0» دەپ اتالادى، بۇل ادامنىڭ دەنەسىنە جانۋارلاردىڭ ءارتۇرلى قاسيەتتەرىن قولدانا وتىرىپ وزگەرتسە، ادامنىڭ قانداي بولۋى مۇمكىن ەكەندىگى تاقىرىبىنداعى قيال.
stopfake.kz
انتروپولوگ ەليس روبەرتس جۇرەك ۇستاماسى ءقاۋپىن ازايتۋ ءۇشىن مودەلگە ءيتتىڭ جۇرەگىن سالىپ جاقسارتقان، سەزىمتال، تۇراقتى بولۋى ءۇشىن كوزىن ۇلكەن قىلعان، سونداي-اق جىلدام بولاتىنداي ەمۋ تۇيەقۇسىنىڭ اياعىن تاڭداعان جانە ونىڭ كەنگۋرۋ سياقتى بالا كوتەرەتىن قالتاسى بار، بۇل ايەلدەر ءۇشىن بوسانۋ پروسەسىن الدەقايدا جەڭىلدەتەدى.
بۇل جوبا ادامداردى «ەليس 2.0» ۇقساتىپ وزگەرتە باستايدى نەمەسە بولاشاقتا ادامدار وسىنداي بولادى دەگەندى بىلدىرمەيدى. بۇل – قيال عانا.
ۆاكسينالارعا ءارتۇرلى جانۋارلاردىڭ گەندەرىن قوسادى دەگەن تەورياعا كەلەتىن بولساق، بۇل COVID-19 قارسى ۆاكسينالاردا شيمپانزە مەن جىلاننىڭ گەندەرى بار دەگەن فەيكتەرگە نەگىزدەلگەن. شىندىعىندا، بۇل اۋرۋعا قارسى بىردە-بىر ۆاكسينادا مۇنداي ينگرەديەنتتەر جوق.
سونىمەن قاتار ۆاكسينالار ادامنىڭ دنق-سىن وزگەرتە المايدى، ويتكەنى ولار بۇل مولەكۋلا «ساقتالاتىن» جاسۋشا يادرولارىنا ەنبەيدى.
دەمەك، تارالعان اقپارات – فەيك. ۆيدەودا كورسەتىلگەن ءمۇسىن – بۇل انتروپولوگتىڭ قيالىنىڭ جەمىسى، ۆاكسينالاردا جانۋارلاردىڭ گەندەرى جوق.