قۇقىق بۇزۋشىنىڭ زاڭسىز ارەكەتتەرى الەۋمەتتىك جەلىگە تاراعان

ءتيىستى اكىمشىلىك ماتەريالدار جينالدى. اۆتوكولىك مامانداندىرىلعان ايىپپۇل تۇراعىنا ورناتىلدى.

الماتى پوليسياسى تاعى ءبىر كولىك بۇزاقىسىن جازالادى، دەپ حابارلايدى Almaty-akshamy.kz

Polisia.kz سايتىنداعى مالىمەت بويىنشا، بۇل جولى دا قۇقىق بۇزۋشىنىڭ زاڭسىز ارەكەتتەرى الەۋمەتتىك جەلىگە شىقتى جانە شارا قولدانۋعا نەگىز بولدى.

«Toyota Camry كولىگىن باسقارعان ەر ادامنىڭ جەكە باسى انىقتالدى. بۇل 21 جاستاعى س.ەسىمدى ازامات. ونىڭ ىس-ارەكەتتەرىندە جقە-نىڭ 4-بابىندا ق ر اقبك-نىڭ 601-بابى 2ء-بولىمى، ق ر اقبك-نىڭ 606-بابى 1ء-بولىمى، ق ر اقبك-نىڭ 595-بابى 1ء-بولىمى، ق ر اقبك-نىڭ 603-بابى 2-بولىمىندە كوزدەلگەن ورەسكەل بۇزۋشىلىقتىڭ بەلگىلەرى بار. ءتيىستى اكىمشىلىك ماتەريالدار جينالدى. اۆتوكولىك مامانداندىرىلعان ايىپپۇل تۇراعىنا ورناتىلدى، - دەپ حابارلادى، الماتى قالاسى پد جەرگىلىكتى پوليسيا قىزمەتى باسقارماسىنىڭ باستىعى ماناپ ساتتاروۆ.

الماتى پوليسياسى جولداردا مۇنداي ىس-ارەكەتكە جول بەرىلمەيتىنى تۋرالى دا ەسكە سالدى.

«پاترۋلدىك پوليسيانىڭ جەكە قۇرامى وسىنداي جۇرگىزۋشىلەردى انىقتاۋعا باعىتتالعان، ولاردىڭ ارەكەتتەرى باسقالارعا ناقتى ءقاۋىپ توندىرەدى. مۇنداي قىلمىستىق ارەكەت جاساعان ادامدارعا قاتىستى ەڭ قاتاڭ شارالار قولدانىلادى»، - دەدى ماناپ ساتتاروۆ.