1837 رەيد جۇرگىزىلدى.
قازاقستاندا قۇقىق بۇزۋشىلاردان 2،5 مىڭنان استام قىلقان جاپىراقتى اعاش تاركىلەندى، دەپ حابارلايدى Almaty-akshamy.kz Polisia.kz-كە سىلتەمە جاساپ.
15-31 جەلتوقسان ارالىعىندا ەلىمىزدە “شىرشا” ءجپىش ءوتتى. ءىس-شارانىڭ ماقساتى – جاڭا جىل قارساڭىندا قىلقان جاپىراقتى اعاشتاردى زاڭسىز كەسۋ، دايىنداۋ جانە وتكىزۋ ورىندارىن انىقتاۋ جانە جولىن كەسۋ.
بازارلاردا جانە باسقا جەرلەردە 588 ءموبيلدى توپ قۇرىلدى، ونىڭ ىشىندە تابيعاتتى قورعاۋ ورگاندارىمەن بىرلەسكەن 321 توپ بار. سونداي-اق 1837 رەيد جۇرگىزىلدى.
ءجپىش باستالعاننان بەرى بارلىعى 506 ادام اكىمشىلىك جاۋاپكەرشىلىككە جانە 18 ادام قىلمىستىق جاۋاپكەرشىلىككە تارتىلدى. قۇقىق بۇزۋشىلاردان 2،5 مىڭنان استام قىلقان جاپىراقتى اعاش تاركىلەندى. جارتى ملن تەڭگەگە اكىمشىلىك ايىپپۇل سالىندى، ونىڭ ىشىندە 400 مىڭ تەڭگەسى ءوندىرىلدى.
پوليسەيلەر اتاپ وتكەندەي، قۇقىق بۇزۋشىلار كوبىنەسە شىرشالار مەن قاراعايلاردى زاڭسىز كەسكەنى ءۇشىن، سونداي-اق ولاردى بەلگىلەنبەگەن جەرلەردە وسىرگەنى جانە جاسىل جەلەكتەردى كۇتىپ-ۇستاۋ جانە قورعاۋ ەرەجەلەرىن بۇزعانى ءۇشىن جاۋاپقا تارتىلدى.