قابىلدانعان شارالاردىڭ ارقاسىندا بۇگىنگى كۇنى كيىك سانى 1،3 ملن باسقا جەتىپ وتىر.
كيىكتەردى، ولاردىڭ بولىكتەرى مەن دەريۆاتتارىن پايدالانۋعا موراتوريي 2024 جىلعا دەيىن ۇزارتىلدى، دەپ حابارلايدى Almaty-akshamy.kz.
ەكولوگيا جانە تابيعي رەسۋرستار مينيسترلىگىنىڭ مالىمەتىنشە، قازاقستان اۋماعىندا كيىكتەردىڭ دۇنيەجۇزىلىك پوپۋلياسياسىنىڭ 90%-دان استامى مەكەندەيدى.
«اتالمىش جانۋارلاردىڭ سانىنىڭ ازايۋىنا بايلانىستى (2003 جىلى 21 مىڭ باستى قۇرادى) ق ر ۇكىمەتى ولاردى قورعاۋ بويىنشا ءبىرقاتار كەشەندى شارالار قابىلدادى، ونىڭ ىشىندە كيىكتەردى پايدالانۋعا موراتوريي ەنگىزىلدى.
قابىلدانعان شارالاردىڭ ارقاسىندا بۇگىنگى كۇنى كيىك سانى 1،3 ملن باسقا (تولدەۋ كەزەڭىنە دەيىن) جەتىپ وتىر، ايتا كەتۋ كەرەك، ولاردىڭ وڭتايلى سانى 700-800 مىڭدى قۇرايدى»، - دەلىنگەن مينيسترلىك حابارلاماسىندا.
بۇل رەتتە، اۋىل شارۋاشىلىعى جانۋارلارى مەن كيىكتەردىڭ اراسىندا جايىلىمدار مەن سۋاراتىن جەرلەر ءۇشىن باسەكەلەستىك كۇشەيدى، كيىكتەردىڭ ەگىن تاپتاۋ جاعدايلارى جيىلەدى. وسىعان بايلانىستى، مينيسترلىك 2023 جىلى كيىك پوپۋلياسياسىن باسقارۋ جونىندەگى بيولوگيالىق نەگىزدەمە اياسىندا ولاردى عىلىمي زەرتتەۋدى جوسپارلادى، ونىڭ بارىسىندا مىناداي ماسەلەلەر زەردەلەنەتىن بولادى:
1) كيىك پوپۋلياسيالارىنىڭ دامۋ بولجامى؛
2) كيىكتەردىڭ ارەالى مەن كوشى-قون جولدارىن ناقتىلاۋ؛
3) كيىكتەردىڭ ازىقتىق بازاسىن زەردەلەۋ؛
4) اۋىل شارۋاشىلىعىمەن باسەكەلەستىكتى تومەندەتۋ بويىنشا ۇسىنىستار ازىرلەۋ.
وسىعان بايلانىستى، ق ر ەترم ورمان شارۋاشىلىعى جانە جانۋارلار دۇنيەسى كوميتەتى عىلىمي-زەرتتەۋ جۇمىستارى كەزەڭىندە 2022 جىلعى 28 جەلتوقسانداعى بۇيرىقپەن رەسپۋبليكانىڭ بۇكىل اۋماعىندا كيىكتەردى، ولاردىڭ بولىكتەرى مەن دەريۆاتتارىن پايدالانۋعا ءموراتورييدى عىلىمي نەگىزدەمەگە سايكەس 2024 جىلعا دەيىن ۇزارتتى.