جەر قويناۋىن پايدالانۋ ءۇشىن بەرىلگەن جەر ۋچاسكەلەرى مەملەكەتكە قايتارىلدى، دەپ حابارلايدى aqshamnews.kz باس پروكۋراتۋراعا سىلتەمە جاساپ.
قوستاناي وبلىسىنىڭ پروكۋراتۋراسى جەر ۋچاسكەلەرىن قايتارۋ بويىنشا شارالار قابىلدانباعانىن انىقتادى.
بۇرىن كەڭ تارالعان پايدالى قازبالاردى ءوندىرۋ ءۇشىن بەرىلگەن 16 ۋچاسكە بويىنشا ليسەنزيالاردىڭ قولدانىلۋ مەرزىمى اياقتالعانى نە جەر قويناۋىن پايدالانۋعا ارنالعان كەلىسىمشارتتار مەرزىمىنەن بۇرىن توقتاتىلعانى انىقتالدى.
سونىمەن بىرگە، "جەر قويناۋى جانە جەر قويناۋىن پايدالانۋ تۋرالى" قازاقستان رەسپۋبليكاسى كودەكسىنىڭ 21 جانە 107-باپتارىنىڭ تالاپتارى بۇزىلعان. ولاردىڭ ودان ءارى يەلەنۋى ءۇشىن قۇقىقتىق نەگىزدەرى بولماعانىنا قاراماستان، جەر شارۋاشىلىق جۇرگىزۋشى سۋبەكتىلەردىڭ يەلىگىندە بولا بەرگەن .
وبلىس پروكۋراتۋراسىنىڭ قاداعالاۋ اكتىسى بويىنشا قۇنى 625 ملن تەڭگەدەن اساتىن 16 جەر ۋچاسكەسى مەملەكەت مەنشىگىنە قايتارىلدى.