قۇلاقتارىڭىزعا التىن سىرعا: الماتىدا ەگدە جاستاعى ايەلدەردىڭ التىن سىرعاسىن كۇشتەپ تارتىپ الۋشى ەر ادام ۇستالدى

جاعا ۇستاتاتارلىق جاعداي: ەر ادام 60-تان اسقان ايەلدەردىڭ قۇلاقتارىنداعى التىن سىرعالارىن توناپ كەلگەن

بۇل ارەكەتىن ول ەش قىمسىنباستان تاپا-تال تۇستە جاساعان. 37 جاستاعى قاراقشى اجەلەردى باس سالىپ. قۇلاقتارىنداعى سىرعانى كۇشتەپ تارتىپ العان. ونىڭ كەيبىر وسىنداي ارەكەتتەرى بەينەباقىلاۋ كامەرالارىنا ءتۇسىپ قالعان، دەپ حابارلايدى Almaty-akshamy.kz Polisia.kz-كە سىلتەمە جاساپ.

«قاسكوي وزىنە قارسى تۇرا المايتىن، 60 جاستان اسقان ايەلدەردى عانا توناعان. كۇدىكتى قاماۋعا الىندى. بۇل – 37 جاستاعى ب.ەسىمدى ازامات. ەش جەردە جۇمىس ىستەمەيتىن، بۇرىن سوتتى بولعان ازامات اجەلەردىڭ سىرعالارىن لومباردقا تاپسىرىپ، ودان تۇسكەن اقشانى ءوز قاجەتتىلىگىنە جۇمساعانىن ايتتى. اتالعان دەرەك بويىنشا كوپ ەپيزودتى قىلمىستىق ءىس قوزعالىپ جاتىر»، – دەدى المالى اۋداندىق پوليسيا باسقارماسىنىڭ باستىعى ەسەن ىسقاقوۆ.

بەلگىلى بولعانداي، تۇركىستان وبلىسىنىڭ تۋماسى الماتىعا جۇمىس ىستەۋگە كەلگەن. قالادا جالدامالى پاتەرلەردە تۇرعان. ول بۇرىن دا وسىعان ۇقساس قىلمىسى ءۇشىن سوتتى بولعان. قازىرگى ۋاقىتتا كۇدىكتى ۋاقىتشا ۇستاۋ يزولياتورىنا قامالدى، ال تەرگەۋشىلەر ونىڭ بۇرىن جاسالعان وسىعان ۇقساس قىلمىستارعا قاتىسى بار-جوعىن تەكسەرۋدە.